By Ric Obedencio | 10:19 PM November 30, 2022

Si Congresswoman Vanessa Vanvan C. Aumentado sa 2nd district sa Bohol mitanyag sa turismo sa Bohol ngadto sa nasud sa Turkey atol sa iyang biyahe didto sa niaging adlaw aron sa pagtambong sa Türkiye Tourism Roadshow and Uzakrota Travel Summit 2022 sa Intanbul, Turkey.

“We did a presentation of the Tourism Sites we have in the Phils. and of course dala-dala gyud nato kanunay ang pagbida pod nato sa atong Probinsya sa Bohol. There was a Product Presentation also done particularly in the field of Education,” matud ni congresswoman Aumentado sa iyang facebok post.

Si Congw. Aumentado usa sa mga delegado ngadto sa Istanbul, Turkey sa “first leg” sa biyahe aron sa paglusad sa “business-to-business” nga tigum. Ang delegasyon gipangulohan ni Philippine ambassador to Turkey Maria Elena Algabre ug Dr. Paulo Tugbang, director sa product and market development sa tourism ug Consul Joy, Cong. Cindi Chan sa Lapu-lapu City, Cebu ug ubang opisyal sa Department of Tourism (DOT).

Uban kaniya mao ang a lain-laing travel agencies, Turkish press/media and marketing officers ning mosunod nga airlne companies: Saudia, Qatar Airways, Emirates ug Oman Air sa tourism presentation didto.

Gidapit usab ni Congw. Aumentado ang mga molupyo sa Turkey sa pag-eskwela sa English dinhi sa nasud.

“Gi-imbita nato sila nga moskwela for English sa Pinas & of course hopefully there will be a school nasad in Bohol na mo offer ug ESL so we can get d Turkish Market,” matud sa kapikas ni Gob. Aris Aumentado.

Ang gitanyag naglakip sa English as a Second Language (ESL) Center for Premier International Language Studies (CPILS) nga pwedi nga himoon sa Bohol.

Ang iyang misyon nahisibo sa mga panglantaw ni Gob. Aumentado nga palambon pa ang turismo sa Bohol aron makabangon ang industriya taliwala sa pandemya. (rvo)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.

%d bloggers like this: