By Rey Anthony Chiu | 09:21 AM November 24, 2022
Dili na una ipahinayon ang una na nga gikataho nga 8 ngadto sa 14 ka oras nga total power blackout sa Bohol karong Sabado, Nobyembre 26.
Kahinumduman nga unang nagpagawas og pahibaw ang National Grid Corporation of the Philippines (NGCP) kabahin sa gilaraw niini nga total power shutdown sugod sa alas 4:00 sa kaadlawon ngadto sa alas 12 sa udto sa Sabado alang sa Bohol Electric Cooperative I ug alas 4:00 sa kaadlawon ngadto sa alas 6:00 sa gabii sa BOHECO 2 ug pipila ka mga dagkong planta nga mawad-an sa koryente nianang adlawa.
Matud sa unang pahibaw sa NGCP, ang blackout mahitabo kay ila nga pulihan ang temporaryo nga optical ground wire (OPGW) nga anaa sa towers nga naglukdo sa kutay sa koryente sa number 38 ngadto sa 41, kining tanan subay sa Maasin-Ubay 138 kilovolt line.
Unya, samtang may black-out, kini usab ang higayon nga ang NGCP’s Ubay, Corella ug Tagbilaran Substations sa ilang parallel maintenance activities sa ilang Annual Prevention Maintenance Activities sa 100 KV ug 500 Mega Volt Amperes (MVA) Transformers.
Apan, sa labing bag-o nga pahibalo, gipa-oktaba una ang maong naschedule na unta nga maintenance activities.
Wala pa usab magsulti ang NGCP sa petsa kanus-a nila ipahigayon ang bag-ong schedule. (PIABohol)