By Marisol Bo-oc, J. Jala | 11:38 PM September 30, 2022
Giihaw nalang ang kabaw nga samdan human kini gitigbas sa wala mailhing suspetsado.
Sa Facebook post ni Nash Alconera, iyang gipahibalo nga giihaw nalang ang kabaw karung hapon, Sept. 30, kay dili na kaya sa mananap pa.
“Kay dina kaya.. Ang mismo DA sa Carmen wa mopasalig Kay Wala man pud ma insured…Din isa pa ang kabaw dina man Mokaon gud,” matud ni Alconera.
Dugang pa ni Alconera, mingkonta siya og
beterinaryo pero wala kini mureply sa iyang mensahe.
Mingdangup sa Carmen Police Station ang pamilya Alconera para mangayog tabang para mailhan ang suspek nga nagtigbas sa ilang kabaw.
Dili na makalakaw og tarung ang usa ka kabaw human nga kini gitigbas sa wala pa mailhing suspetsado didto sa lungsod sa Carmen, Bohol kagahapon, Huwebes, Sept. 29, 2022.
Matud ni Saturnino Alconera, residente sa Barangay Villahermoso, iya unta itugway ang kabaw pero nakurat siya kay daghan kini og samad.
Sa viral post ni Nash, makita ang samad sa nawng ug sa 2 ka tiil ug gani ang usa ka tiil hapit na kini maputol.
Tungod sa samad nga naaguman sa kabaw dili na kini makalakaw og tarung.
Suspetsa sa tag-iya nga tingali na-tripan lang ang ilang kabaw kay naay nanglabay kay nag-fiesta usab ang ilang barangay.