By Ric Obedencio | 04:14 PM September 14, 2022
Si kalihim Erwin Tulfo sa Department of Social Welfare and Development (DSWD) gidahum nga mobisita ugmang adlawa (Sept. 15) aron sa paghimo sa mga kalihokan nga may kalabotan ang naasoyng ahensya.
Si Tulfo paga-abi-abihon sa kagamhanang probinsyal uban ni Gob Aris Aumentado ug mga opisyal sa maong ahensya sa reghiyon ug lalawigan.
Lakip sa iyang lakaw mao ang ‘turnover’ sa school building sa barangay Estaca ug isolation facility sa Poblacion, Pilar, Bohol, matud sa kasayuran nakuto ning tigsulat. Ang kalihokna sa Pilar gitakda mag sugod sa alas 9 sa buntag.
Pagkahuman sa Pilar, mopatighug si Tulfo sa lungsod sa Carmen sa ala1:00 sa palis. Gidahum nga ang media Interview himoon dinhi.
Si Mayor Conchita delos Reyes mo-welcome ni Tulfo ug mga bisita, lakip si regional director Shalaine Marie S. Lucero sa DSWD, Gob. Aumentado, Candijay Mayor Thamar Olaivar ug Dagohoy Mayor Germinio Relampagos.
Si Tulfo gi-schedule nga mag-apod-apod sa mga kaayohan sa Livelihood Assistance Grant ngadto sa mga benepisiaryo sa Carmen.
Si Kag. Jocelyn C. Sombrio mao ang motak-op sa programa nga himoon sa grandstand, Poblacion Norte, Carmen, Bohol. (rvo)
