By Marisol Bo-oc | 09:45 PM August 11, 2022
Ming-apil si Pinay Olympian ug gold medalist nga si Hidilyn Diaz-Naranjo sa gihimong Smart-Samahang Weightlifting ng Pilipinas National Open Championship nga nagsugod gahapon, Aug. 10 sa Tagbilaran, Bohol.
Matud ni Samahang Weightlifting ng Pilipinas President Monico Puentevella, nga exhibition lang ang gihimo ni Hidilyn.
Dugang ni Puentevilla nga tungod niining kompetisyon makakita silag champion.
Gusto lang niya maghatag og inspirasyon sa mga kaubang mga atleta nga maabot pud nila ang iyang naabot ug maabot ang Olympics.
Adunay kapin 200 ka mga atleta ang naa sa Tagbilaran tungod sa maong kompetisyun.
Sila giabi-abi ni Mayor Jane Yap.
