By Ric Obedencio | 01:34 PM July 21, 2022

Si Kongresista Vanvan Aumentado (2nd district) midasig sa tanan ug nanawagan sa pagsuporta pinaagi sa pagpalit sa local nga mga produkto.

Kini nga panawagan nahimo atoll sa iyang pagbukas sa Agri-Fair sa Sandugo 2022 nga gilusad sa kanhi tugpahanan sa ayroplano sa syudad, diin siya usa sa mga pinasidunggang dinapit sa Hulyo 18, 2022.

“Gabii ni nga panihapon, akong mga pinalit sa Agri Fair in old airport gisud-an dayon oi buwad & guso from Talibon, sukang hang from San Miguel ug dragon fruit from Baclayon,” matud sa kapikas ni Gob. Aris Aumentado.

Si Vanvan mihangyo sa tanan, ug nagkanayon, “Palihug bisitaha ninyo didto ky kutob ra sila ugma July 20, 2022. Daghang utanon, prutas, buwad, ginamos ug uban pa basta mga brato ra. Let’s support our farmers & fisherfolks!”

Sa samang kalamboan, si Vanvan mitunol sa mga cheke ngadto sat ulo ka mga hugpong. Ang pundo (cheke) nagagikan sa Department of Labor and Employment (DOLE) ug kini pinangkamotan sa iyang bana.

Ang tulo ka mga association mao ang League of Women for Economic Dev’t (Poblacion) nga nakadawat sa kantidad 250,000.00; Canmaya Centro Farmers Association – 499,895.00; ug Kapunungan sa mga Mag-uuma ug Humay sa Canmaya Diot – 500,000.00

Si Vanvan mipasalamat sa DOLE ug ni DOLE Asec Victor Del Rosario, DOLE Bohol Head Ma’am Jessica Uy ug sa tanang staff and to Ate Lita Verenio- Second District Livelihood Coordinator nga karon mahimo nang Prov’l Livelihood Coordinator.

Mipasalamat usab siya sa mga opisyal pinangulohan ni Mayor Junjun Suarez ug sa Sangguniang Bayan nga pinangulohan ni Vice Mayor Siony Ybañez. (rvo)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.