By Rey Anthony Chiu | 07:31 PM July 12, 2022

Sugod sa Martes, Junyo 14, 2022, ipatuman na dinhi sa Central Visayas ang P31.00 nga usbaw sa sinadlawng suholan, ang labing daku nga dugang sukad ma sukad, gipagawas sa Regional Tripartite Wage Productivity Board pinaagi sa Wage Order No. ROVII- 23.

Nunot usab niini, gipagawas na usab sa sa RTWPB ang Wage Order No. ROVII D.W. 03 nga nag papatas usab sa suholan sa mga katabang sa tibuok Central Visayas.

Kahinumduman nga subay sa balaod, gipatukod ang RTWPB aron maoy mopatuman sa Republic Act No. 6727, o ang Wage Rationalization Act.

Ilang gimbuhaton ang regular nga magtimbang timbang sa husto nga suholan pinaagi sa paghimo og mga magtuon, pagpamati sa sitwasyong ekonomikanhon sa us aka lugar aron maoy basehans a pagtumbok sa unsay angayan nga suholan nga ipatuman.

Niadto pang Enero 5, 2020 ang katapusang napagawas nga mandu sa usbaw sa suholan sa tanang mamumuo sa pribadong sector sa rehiyon ug sukad niadto, daghan na nga mga kahugpungan sa mga maumuo ang miduso sa sugyot sa usbaw sa suholan, dala usab sa nagmahal nga palitonon.

Nakit-an usab sa bahan nga ang Consumer Price Index sa Central Visayas miabut sa 102.9 sa Enero 2020 apan misulbon na ngadto sa P110.0 niadtong Abril 2022.

Subay sa poverty threshold nga gibase sa Philippine Statistics Authority (PSA), alang sa usa ka banay nga may 5 ka sakop, niadtong 2018, igo lang ang P 353.00 matag adlaw, kay ang bili sa peso niadtong panahona, P.97 pa; apan niadtong Abril 2022, ana sa P.91 ang kantidad sa peso.

Niadtong higayon nga ang labing taas nga inadlawng suholan sa rehiyon miabut sa P404.00 kini katumbas lamang sa P 367.27.

Dugang sa RTWPB, sukad sa paggawas sa wage order niadtong Enero 2020, misulbong na ang presyo sa gasoline ngadto sa 45%; samtang ang krudo anaa sa 89% ug ang LPG miabut sa 34%.

Bisan pa niini, gihimo na sa RTWPB ang konsultasyon sa mga katawhan sa tibuok rehiyon, ug tungod niini, nahukman ang P31 nga usbaw sa suholan sa tibuok rehiyon.

Sa pagpuno sa suholan, gikan sa P366.00 ang adlaw sa mga trabahante nga nagtrabaho apan dili sa sector sa agrikultura, P397 na ang inadlaw kon nia sa Tagbilaran.

Kon ang gitrabaho-an dinhi sa Tagbilaran, wala makasandig sa agrikultura, gikan sa P361, P392 na human sa P31 nga usbaw.

Sa laing bahin, alang sa mga nanarbaho og inadlaw sa mga kalungsuran sa Bohol, gikan sa P356, anaa na ang inadlaw sa P382, alangs a walo ka oras nga trabaho.

Alang sa mga katabang, dala sa ROVII D.W. 03, ang mga katabang sa balay, modawat na og dugang P500, o gikan sa P4,000, ngadto sa P4,500 kon nanarbaho nga dili sa mga syudad.

Gikan sa P4,500, ana ana usab sa P5,000 ang buwan sa mga katabang nga naa sa mga syudad, human usbawi og P500.

Ubosa sa wage order, ang mga katabang naglakip sa yaya, cook, hardinero, labandera ug bisan kinsa nga gisweldohan sa paghimo og regular nga trabahoon sa balay isip iyang trabaho, bisan pa kon kining tawhana, wala motipo og puyo sa balay.

Hinuon, walay labut niini kadtong mga sweldohan lamang sa panagsang panginahanglan sama sa family drivers ug kadtong gipatrabaho nga dili regular. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.