By Marisol Bo-oc | 10:20 PM June 06, 2022

Daghang mga Bol-anon ang nakapangutana sa social media kung ngano sige balik-balil ang Land Transportation Office (LTO) -7 sa probinsya.

Adunay tubag si LTO-7 Director Victor Caindec kalabot sa operasyon sa ilang ahensiya sa lalawigan sa Bohol.

“Ngano BOHOL?” matud sa post ni Caindec nga giubanan niya og mga litrato ug video sa ilang operasyon sa dalan Mangga, duol sa crossing sa Cortes.

Matud niya perfect nga example ngano wala mudiretso ang mga motor kay naay checkpoint nga hapit kilometro ang linya ani.

” Pangutana balik: Ngano man? Angay ba gud ka mahadlok sa checkpoint kung kumpleto imung documento, sama sa licensya ug rehistro? Ug ni subay ra ka sa sakto nga balaud? Di ba ang tubag ani, “dili angay mahadlok?” matud pa ni Caindec.

Naghatag pa siya og datos” para makasabot mo sa akong punto.”

“Ang rehistro sa Bohol gikan 2021 January to April, ni abot ug 44,803. Sa PAREHAS nga mga buwan sa 2022, ang na rehistro ra, 41,737. Pasabot kapin 3,000 ang wala nagpa rehistro kumpara sa 2021

“Sa tibuok tuig sa 2018, ni abot ug 124,744 ka sakyanan ang gi rehistro sa tibuok Bohol, wala pa ang pandemic.

“Sa tibuok 2021, tuig human na ang pandemic 118,826 na lang ang gi rehistro sa Bohol. Sa ato pa, naay duol sa 6,000 ka mga sakyanan ug motor nga wala na rehistro. GAMAY RA NI, kung ato i-apil ang mga NEW registrations sa mga motor nga mo expire kada tuig.

“Ari ta sa license. Sa tuig 2019 ni abot ug 359,786 ka license transactions ang Bohol. Pag 2021, ni naog ni sa 171,688 na lang. Pasabot ani, 5 kada 10 nga naay license, wala na ga renew. Maayo na lang kay sa 2022, ni saka na gamay ang compliance. Pasabot ani angay gyud pahugtan ang pag implementar sa balaud.

“Ari ta sa DAKOP. Kapin 3,000 ang nadakpan sa tuig 2021-2022 sa TIBUOK BOHOL. Ato ni komparahon sa CEBU ISLAND, nga susama nga mga tuig sa 2021 hangtud April 2022, ang nadakpan NIABOT NA UG 35,563! Unya mo ingon mo gi target ang Bohol?

“These are the numbers. I hope that this will reach the more “educated” members of Bohol society, including members of its media and politicians.

“Daghan disgrasya sa Bohol, kadaghanan gani wala na gi report. Ug gusto nato hapsayon na diha, UNDANGI na ninyo ang style sa pa-trending. Ganahan kaayo mo ug balita bahin sa LTO kay mo “viral” inyong mga posts ug mga comments. Unya inyo mga programma daghan kaayo mang react, so humot kaayo mo.

“In English, stop being #famewhores.

“I’ll go on all day, all week, all month doing what we do, while I’m here in my job.

“I don’t care how many bad posts you say about me and the job we do. Ga trabaho ra mi.

“Mag ampo lang ko nga unta sa mga nag sige ug yawyaw ug pang daut namo, maayo unta ug wala kay pamilya nga ma disgrasya sa dalan.

“Pero sa tinuod lang, may ra man pid ug makuha-kuhaan ning mga gahi ug ulo. Ana gyud tingali ta, mo tagam ra ta ug makatilaw sa pait.

“Ok, finish na ni. Bye.”

Gigamit ni Caindec ang hashtags #bungot2022 ug #BOGO.

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.