By J. Jala | 08:02 PM April 09, 2022
Usa ka patay’ng lawas ang nakaplagan sa
Barangay Rosario, Cortes, Bohol, karung buntag, Sabado, Abril 9.
Matud sa mga residente, walay nakaila sa maong biktima.
Gituhuan nga gipatay una ang biktima nga usa ka batan-ong lalaki unya gibitay sa tulay sa Camayaan sa Barangay Rosario.
Si Father Ruel Pangan ming-adto sa Camayaan Bridge sa Barangay Rosario sa lungsod sa Cortes aron paghalad og mga pag-ampo alang sa biktima ug aron sa pagbendisyon aron mabalaan og balik ang maong lugar.
Sa Facebook post ni Bishop Abet Uy, giawhag niya ang mga tawo sa pag-ampo.
“Atong iampo nga masulbad ang maong kaso sa madaling panahon ug nga wala na untay laing makalilisang nga pagpatay ang mahitabo dinhi sa atong probinsiya sa Bohol,” matud ni Bishop Uy.
