By Rey Anthony Chiu | 07:57 PM April 07, 2022

Taman karong tungang gabii na ang pagparehistro aron makasalmot sa Araw ng Kagitingan Charity Run for the veterans, pahinumdom sa Philippine Veterans Affairs Office (PVAO) pinaagi sa hepe niini sa Bohol Field Service Office (FSEO).

Hangtud unyang tungang gabii, bukas pa nga makasalmot sa 3 kilometer run ug walk, 5 kilometer run ug 10 kilometer run, anag tanan alang sa babae ug lalaki nga kategorya.

Ang pre-registration link: https://tinyurl.com/charityrunforveteran.

Ang kalihukan usa sa mga natumbok sa PVAO Bohol aron makatigum og pundo nga ilang ikaghatag ngadto sa mga beterano nga kabus ug walay ikapanikaysikay, human sila usab nabiktima sa bagyo nga Odette.

Matud ni Mario Blasabas, hepe sa PVAO Bohol, ang kalihukan gitunong usab nila sa pagbukas sa Philippine Veterans Week ug mismo sa Araw ng Kagitingan.

Agi na usab kini og pagsaludo sa mga beterano nga way pagduhaduha nga mitahan sa ilang kinabuhi aron makig-away alang sa nasud ug sa iyang kagawasan, dayag ni Blasabas.

Sanglit buot usab sa PVAO Bohol nga may ikatunol sa mga beterano nga nanginahianglan, magparehsitro sila: P250 alang sa mosalmot sa 3 kilometers run ug walk, P350 alang sa 5 kilometers ug P500 alang sa 10 kilometers run.

Kinahanglan nga makarehistro na sa dili mahuman ang Abril 7, aron mahiapil sa listahan sa lumba.

Sa adlaw sa lumba, Abril 9, 2022, gikinahanglan nga ang mosalmot makaabut na sa Plaza Rizal atubangan sa cathedral sa may alas 4:00 sa kaadlawon alangsa pagpangtunol sa race numbers ug meal stubs.

Una nga buhi-an ang mosalmot sa 10 kilometer race sa alas 5:00 AM, dayun medyo oras human makagikan ang unang bahan, buhian na usab ang 5K runners sa 5:50 AM.

Ang 3 km run o walk pagabuhian sa alas 6:00 sa buntag.

Mahimong dag-on ang P700, P400 ug P250 apil ang medalya alang sa 3K winners.

P1000, P700 ug P500 usab ang mahimong dag-on sa modaug sa 5K winners apil medalya ug P2,000, P1,500 ug P1,000 apil medalya alang sa modaug sa 10 K.

Ang tanang manguna sa matag kategorya makadawat usab og tag P100 nga Globe cell card. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.