By Rey Anthony Chiu | 07:55 PM January 26, 2022

Sa usa ka adlaw, 100 ka aktibo nga kaso sa Coronaviris disease (Covid-19) ang nakaltas gikan sa 984 ka kaso nga natala, Enero 24, 2021.

Hinuon, padayon pa gihapon nga dili matagna ang dagan sa Covid, sukad nga kini nanghasi ug mas mi lisud ang pagbanabana sa mga kaso dihang gikabaniog ang pagdagsang sa mga variant.

Sa taho sa Bohol Inter-agency Task Force on the management of emerging infectious diseases, gipadayag didto nga sa Enero 25, 884 na ang kompirmado kay nagkapositibo aa Covid.

Sa milabay nga adlaw, gitagna na sa mga tawo nga motikang na kini sa usa ka libo, apan sukwahi ang nahitabo.

Gikan sa 994 ka aktibong kaso nga natala Enero 24, mikanaug na hinuon kini sa 894, usa ka gatus ka tawo ang natangtang na sa listahan.

Hinuon, gikan sa 587 ka mga Bol anon nga nakabsan sa kinabuhi tungod sa Covid, gisaysay sa BIATF nga 590 na ang namatay sa nahisgutang sakit hangtud Enero 25.

Sa usa ka semana, gikan sa Enero 19, mikabat na usab sa 7 ka tawo ang namatay sa nahisgutan nga sakit.

Sa hisgutanan hinuon sa bag ong namatikdan nga kaso, taliwala sa wala pa matino nga Omicron variant, mitala ang Bohol og 75 ka kompirmadong kaso, Enero 25.

Niadtong Enero 24, 4 lamang ka bag ong kaso sa Covid ang nakompirmar pinaagi sa RT PCR. (rahc/PIA7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.