By Marisol Bo-oc, Helen Castano | 09:50 PM January 08, 2022

Karung adlawa (Jan. 8), maskin busy ang atong gubernatorial bets- Gov. Art Yap ug Congressman (2nd district) Aris Aumentado, gibisita nila ang ubang mga lungsod.

Personal nga gibisita ni Yap
ang mga panimalay sa nagkalain-laing barangay sa Ubay.

Nadungog ni Yap ang ilang mga nasinati ug ang ilang mga gikinahanglan para makasugod ug balik sa ilang mga tagsa tagsa ka kinabuhi.

Mitunol usab si Yap ug personal nga tabang pinansyal para sa maong mga pamilya.

Gawas niini, gibisita usab niya ang iyang buhatan sa lungsod sa Ubay ingon man ang buhatan sa Tarsier 117.

Samtang gibisita ni Aumentado ang mga residente sa Barangay San Pedro, Talibon, Bohol karung adlawa, Jan. 8.

Kauban ang iyang kapikas sa kinabuhi nga si Vanessa Aumentado ug Dr. Vincent Entero, sila nanghatag og ayuda.

” Akong dakong panghinaut nga padayon kita nga maglig-on ug magma ampoon para malagpasan nato ning tanang pagsulay. Magtinabangay sa kanunay! Barug Bol-anon,” matud ni Aumentado.

Samtang si Benjie Oliva, kanhi National Youth Commissioner ug chairperson sa Cooperative Development Authority unya karun KOOP KAMPI Partylist nominee, nanghatag og 3,696 kapin nga sin (G. I. sheets) para mga residente sa mga apektadong mga lungsod nga gikusokuso sa Bagyong Odette.

Karung adlawa (Jan. 8) usab, adunay 500 ka relief packs ang gihatag sa mga lumulupyo sa Barangay Gabi sa Ubay ug kapin nga 1,000 nga relief packs sa Pres. Carlos P. Garcia.

Adunay 10 ka wheelchair ang giturn-over ni Oliva kang Catigbian Mayor Elizabeth.

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.