By Rey Anthony Chiu | 10:01 PM January 05, 2021

Taliwa sa gikabaniog nga pagsulbong sa presyo sa sa gamit alang sa konstruksyon, dalhon sa Department of Trade and Industry (DTI) Bohol ang mga lokal nga suplier sa gamit pamanday ug mga dagkong tindahan sa nag-una nga paliton ug panginahanglanon atul sa ilang Diskwento Caravans sugod Miyerkoles Enero 5.

Una na nga gisumbong sa mga konsumidor ang kalit nga pagsaka sa sin (galvanized iron sheets) para atup usa ka adlaw human ang bagyo nga Odette.

Gikan sa P380 ang plego, miabut na kini sa 480, sa higayon nga giwalis sa bagyo ang kasagarang atup sa mga animalay sa Bohol.

Gawas pa niana, gipagawas na sa DTI ang mandu sa paglansang sa presyo sa mga nag una nga panginahanglanon sa presyo niini sa Disyembre 21.

Kin humaknikadeklara ang price freeze sa panahon sa state of calamity nga gihabol sa Regions 4-A, 6, 7, 10 ug 13.

Bisan pa niini, miabut na sa kapin sa 50 ka tindahan nga rehistrado sa DTI ang nasakpan ngawala magsunod sa mandu sa presyo dinhi lamang sa Bohol.

Liboan pa ka mga gagmay nga tindahan nga gihatagan og permits sa lungsod ang nakalapas sa presyo ang dakpon na unta sa mga LGU apan wala kini ikapatuman.

Niini, nanaagbog tigum ang DTI sa mga local suppliers ug distributors sa nag-una ug batakang panginahanglanon ug paliton lakip na ang namaligyag hardware ug materyales sa construction alang sa Diskwento Caravan.

Bisitahon isip tabo sa Diskwento Caravan kadtong mga kalungsuran nha grabeng naangin sa bagyo sama sa Ubay (Enero 6), Talibon (Enero 7), ug Inabanga (Enero 8 ).

Ang Diskwento Caravan adto himoon sa mga poblacion sa matag nahinganlang lungsod.

Mokuyog usab sa Caravan ang mga mekaniko nga sakop sa lokal nga automobile industry kinsa maghatag sa serbisyo sa pag-ayo sa ginagmay nga daut ug pagcheckup sa mga sakyanan ng nabahaan ug na daut sa bagyo.

Tuyo sa Diskwento Caravan ang pagtanyag sa sayun nga tulay sa mga konsumidor ngadto sa barato ug dekalidad ngabprodukto ug serbisyo subay sa kasamtangang presyo niini.

Kini gilauman nga magtabang sa mga katawhan nga naipit sa kalisud sa milabay nga kalamidad. (rahc/PIA7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.