By Rey Anthony Chiu | 07:17 PM November 17, 2021

Gipangandaman na sa Bohol Provincial Vaccination Operations Center and posibilidad nga tupokan sa booster shots sa mga nakakomplet na sa bakuna batok sa coronavirus disease, apan matud sa Department of Health (DOH), hangtud nga ilang madawat ang guidelines kabahin niini, dili pa makasugod ang Bohol.

Dito sa tigum sa Bohol Iner Agency Task Force kauban ang mga mayor sa Bohol Nobyembe 15, gibutyag sa DOH pinaagi ni Neil John Oclarit, nga nagpaabut na lang sila sa guidelines kabahin sa pagpanghatag sa booster shots o ikatulong tupok sa bakuna.

Hinuon, gitataw ni Oclarit nga kon aduna man, kini unang ihatag sa mga trabahante nga anaa sa frontline medical services.

Kahinumduman nga ang Food and Drug Administration una na nga mirekomendar sa pagpagamit sa Moderna, Pfizer, o Sinovac nga brands sa mga bakuna alang sa mga booster shots, bisan unsa man ang unang natupok.

Mahimo, matud pa sa DOH nga magamit ang mga bakuna nga unang nahisgutan, bisan pa nga kini dili parehas sa una ug ikaduhang dose.

Mahimo usab nga sinovac ang ika tulo nga tupok sa bakuna bisan kon Sinovac gihapon ang una ug ikaduha ga tupokan.

Segun pa sa nasudnong buhatan sa DOH, ilang ipagawas ang guidelines sa pagkuha sa ikatulong doses sa Covid-19 vaccines saMartes, ug kini ipaagi sa National Vaccine Operations Center.

Gawas sa guidelines nga ipagawas sa HOH, NVOC, kinahanglan usab nga Makita na ang napabag-o nga Emergency Use Authority sa bakuna nga itupok ug sa mga rekomendasyon sa mga batid nga tigtambag sa World Health organization.

Samtang mipahayag usab og pagsaway ang WHO sa pagpanghatag sa booster shots ilabi na kay may mga nasud pa nga wala makakuha og bakuna, apan matud pa ni Health Undersecretary Myrna Cabotaje, ang Pilpipinas may igo pa nga bakuna aron maabut ang paghatag sa booster shots. . (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.