By Rey Anthony Chiu | 09:59 PM October 28, 2021

Andam na ang Department of Transportation (DOTr) sa pagdepensa sa ilang sugyot nga padaghanon na ang kadaghanon sa mga pasahero nga makasakay sa mga publikong saynana.

Kahinumduman nga human gikadeklara ang pandemya isip nasudnong emerhensya sa kasanihan, gilimitahan ang mga sakay sa mga pangpublikong sakyanan sa tuyo nga dili magkasikit ang mga pasahero, kay possible niini ang pagtakdanay.

Apan, sukad nga gimenosan ang kadaghanon sa mga sumasakay sa usa ka sakyanan, naapektohan dayun ang sector sa pamasaheroan.

Hinuon, atul sa public hearing sa Subcommittee of the Senate Committee on Finance kabahin sa gisugyot sa DOTr pinaagi ni Assistant Secretary for Road Transport and Infrastructure Steve Pastor ngadto sa Inter-Agency task Force sa ilang pormal nga sugyot nga padaghanon na ang pasaherong karga sa mga pangpublikong pamasaheroan.

Kini kay nagtuo ang DOTr nga kini makatabang sa mga drivers ug operators taliwa sa pandemya ug sa nagkasaka nga presyo sa igtutubil.

Sugyot sa DOTr nga kini una nga ipatuman una sa Metro Manila.

Ang sugyot sa DOTr hinuon nga andam sila nga idepensa atubangan sa IATF, giasandig sa sitwasyon nga ang. Metro Manila ubos na sa Alert Level 3.

Kini nga lebel ang nga nagtugot sa mga negosyante sa pagbukas, nagpalingkawas sa mga katawhan aron makabyahe, ug nagpalapad sa panginahanglan sa sakyanang pamasaheroang pangpubliko.

Matud sa DOTr, may mga pagtuon na nga ang paggamit sa kompleto nga face mask ug ang paggamit a hand sanitizer, daku na og epekto sa pagpugong sa tulo ka hugna sa pagsurge sa COVID, samtang nagpadayon ang serbisyo sa public nga bus.

Lain nga pagtuon nagbutyag nga nga sa mga lugar nga taas ang risgo sa Covid, ang mga naglingkod sa bus sa susamang hanay sa tawo nga may Covid, ug tulo ka hanay sa mga lingkoranan, kasarangan ug dili diay gayud taas ang tsansa nga matakdan, ug gani ang luwas nga distansya nga gipatuman sa mga pangpublikong sakyanan, gipalabwan lang nga pagpatuman subay sa karaang mga kasinatian paglikas sa virus.

Ang labing importante, matud pa sa DOTr mao ang panginabuhian sa mga anaa sa sector sa panakayan nga apektado sa pagpadyutay sa makasakay.

Sa sugyot sa DOTr, ibalik na ngadto sa 100% ang makasakay sa pangpublikong sakyanan, aron mapataas usab ang kita sa sector sa panakyanan, ilabi na kay nadoblehan sila sa pagtaas sa presyo sa igtutubil.

Ang pagpili sa Metro Manila isip pilot area niini, dala sa kasayuran nga anaa na sila sa 81.4% sa iyang kinatibuk-ang popullasyon ang nabakunahan batok sa COVID -19. Dugang pa, kasagarang jeep ug mga bus didto, wala pag airconditioning ug maayo ang bentilasyon.

Segun pa sa DOTr, sa ilang pagtandi usab sa mga data kabahin sa mga kaso sa Covid sa 10 ka nasud, nakita nga walay matumbok nga relasyon ang kadaghanon sa kaso sa Covid sa sekto sa pamasaheroan.

Hinuon, tumbok sa DOTr, us aka daku nga pagsalig ang ilang gipasandig sa ebidensya nga nagtumbok nga ang baga nga pamakuna, magtugot na sa pagpadaghan sa mga makasakay sa pamasaheroan. (rahc/PIA_7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.