By Rey Anthony Chiu | 09:16 AM October 25, 2021

Dili magamit ang vaccination card nga nakuha sa laing lugar gawas sa Bohol aron maoy gamiton pagsulod sa Bohol tungod kay subay sa Resolusyon sa InterAgency Task Force, kinahanglan na nga ang vaccination certificate ang gamiton.

Kini ang gitataw sa Executive Order No 52-A nnga gipagawas ni Gobernador Arthur Yap, Octubre 24.

Ang nasampit nga EO, nagtanyag sa temporaryo nga pagtugot sa mga naghupot og vaccination cards nga dinhi makuha sa Bohol sa paggamit niini kon mouli na sa Bohol, samtang wala pa mapahiluna sa mga local nga kagamhanan ang mga vaccination records nga ibutang na unta sa website sa Department of Health (DOH) aron makaabut na ang records sa kaulohan.

Saysay sa gobernador, wala siya masayud nga daghan pa diay nga LGUs ang wala maka upload sa ilang mga vaccination records sa DOH, mao nga dili pa makahatag ang DOH sa vaccination certificate nga kinahanglan.

Tungod niini, basta alang lamang sa mga Bol-anon o kadtong nakakuha sa kompleto nga pagbakuna dinhi sa Bohol ug milangyaw, unya mouli, pwede pa nga ang vaccination card ang gamiton isip pass.

Ang Vaccination Card hinuon, kinahanglang kuyogan sa screenshot sa pakyas nga transaksyon sa pagkuha sa Vaccination Certificate gikan sa VaxCer.doh.gov.ph, uban sa government issued ID ug aprobadong S-Pass aron katugotan nga makasulod sa Bohol.
Sa mga dili Bol-anon nga may kompleto na og bakuna,

kinahanglan na nila nga makapakita sa valido ug authenticated vaccinations certificate, ug aprobado’ng s-Pass aron makalabang dinhi.

Sa mga wala mabakunahi o wala makakompleto sa bakuna, sanglit wala silay makuha nga records sa DOH VaxCert, magkinahanglan pa gihapon nila nga mopakita sa negatibong resulta sa Covid test nga gipaagi sa Reverse Transcription Polymerase Chain Reaction (RT-PCR) nga gikuha sulod sa 72 ka oras sa dili pa molabang sa Bohol.

Kini subay sa OC No. 52, nga una na naga gipagawas sa goberndor sayo niining semanaha. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.