By J. Jala | 05:36 PM October 22, 2021

Tangtangon na ang negative polymerase chain reaction (PCR) test result isip requirement alang sa mga gusto musulod sa probinsya sa Bohol.

Sa Facebook post ni Gobernador Arthur Yap, mitambong siya sa regular meeting kauban ang mga mayor sa kalain-laing lungsod sa Bohol ug mga kadagkuan sa Bohol Inter-Agency Task Force (BIATF).

Sigun ni Yap, usa sa mga dakong nasabutan nga desisyon sa mga mayor ug mga myembro sa medical society ang pagtangtang sa negative RT-PCR requirement para sa mga fully-vaccinated individuals.

Pulihan kini ug Vaccination Certificate gikan sa DOH nga adunay Unique QR Code nga maoy mu-kumpirma nga balido ug dili peke ang maong sertipiko.

Makuha ang maong sertipiko sa https://vaxcert.doh.gov.ph/ ug para makumpirma kung balido kini, ma-download ang VaxCertPH Verifier sa Play Store ug App Store.

Para sa mga partially vaccinated ug wala pa mabakunahi, gikinahanglan sila mupasa ug 72 hours negative RT-PCR result diin ang tanang mubyahe gikinahanglan gihapong mupasa ug sertipiko gikan sa S-PASS Travel Permit.

Gikasabutan usab sa tanan nga adunay penalty kung peke ang isumiter nga mga papeles ug total ban entry sulod sa 1 ka buwan.

Ang mga ilegal nga musulod sa probinsya ibutang sa quarantine facility diin sa ikalimang adlaw i-swab sila para sa RT-PCR Testing ubos sa ilang kaugalingong gasto.

Sa mga sunod nga adlaw, gipaabot nga magpagawas ang kagamhanang probinsyal ug bag-ong lagda kabahin niini.

Sa iyang report, mitaho pud si provincial DOH Officer Niel John Oclarit Hospital Data ug updates gikan sa Emergency Operations Center (EOC) samtang mitaho usab si Provincial Health Officer Dr. Yul Lopez sa Vaccination Rollout ug Temporary Treatment Monitoring Facility (TTMF), PDRRMO Head Dr. Anthony Damalerio kabahin sa pag-abli sa One Stop Shop para international flights sa Philippine Airlines ug BPPO Chief PCOL Osmundo Salibo kabahin sa Public Safety And Security.

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.