By Rey Anthony Chiu | 12:41 AM October 01, 2021

Dili na dawaton sa Commission on Elections (COMELEC) ang Certificates of Candidacy (COC) kon kini walay kuyog nga notaryo ug kon kuwang kini sa mga gikinahanglang kasayuran.

Kini ang gitataw ni Bohol Election Supervisor Atty Eliseo Labaria, didto sa Kapihan sa PIA niadtong mi-aging semana.

Matud niya, ang Resolution 10717 nagpatin-aw na sa rules and regulations sa paghimo sa mga proseso sa nasudnon ug local nga piniliay sa Mayo 9, 2022.

Ug subay niini, sa Oktubre 1 nagdto sa 8, sa mga takna nga ting opisina, lakip na ang Sabado ug Doingo, manawat na ang COMELEC sa tukma nga pagkahimo nga Certificates of Candidacy (COC) uban sa Certificate of Nomination and Appointment (CONA) ug syempre, ang Certificate of Acceptance of Nomination (CAN).

Kadtong mga modagan nga walay CONA, mahimong modagan isip independente, apan kadtong may duh aka CONA gikan sa duha lka partido, kon dili isalikway ang usa aron mopili sa usa lamang, isipon na usab nga independente, matud pa ni Atty Labaria.

Gawas pa, ang COC kinahanglang kadtong makuha gikan sa COMELEC, husto ang pagkasuwat, gitataw ang posisyon nga daganan, walay gilat-angan ug dayon, gipapilitan og selyo dokumentaryo ug ginotaryohan.

Dugang niya, dili mahimo nga ang usa ka kadidadto, mofile alang sa duha ka posisyon, kay, segun sa Resolution sa COMELEC, kay kini isipon na hinuon nga dili siya eligible sa hain man sa duha ka posisyon.

Hinuon, aron kini nga kalisud masolbad, us aka notaryado nga Statement of Cancellation lamang ang iduso ngadto sa buhatan sa COMELEC diin napasa ang COC, aron makansela ang mga COC nga wala kinahanglana.

Tungod usab niini, mas maayo, segun pa sa COMELEC nga personal nga mo file sa iyang COC, CONA ug CAN ang mokandidato.

Hinoun, subay sa Resolution, mahimo usab nga ang mokandidato, magtahas sa iyang representante sa pagduso sa iyang mga papeles sama sa COC, CONA ug CAN, basta lang sakto na ang impormasyon ug walay lat-ang ug notaryado na kini.

Dili usab, matud pa ni Atty Labaria nga ang this, COC ipasa pinaagi sa electronic mail, telegrama o facsimile.

Magsugod nag panawat ang COMELEC sa mga COC Oktubre 1 hangtud sa Octubre 8.

Magpaabut ang COMELEC hangtud sa katapusang gutlosa alas 5:00 sa Oktubre 8, aron madawat ang mga magpauwahi sa pagsduso, apan gipasabut usab sa COMELEC nga gikinahanglang nga anaa na sila nga mga mokandidato sa Buhatan sa COMELEC sa dili pa mag-alas 5:00 aron madawat pa ang COCs. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.