By Rey Anthony Chiu | 10:16 PM September 10, 2021

Sa mga empleyado sa kagamhanan, sakop sa Government Service Insurance System (GSIS) nga nakalingkawas ug naayo gikan sa pagpakigbugno sa coronavirus disease (Covid-19), may maayong balita.

Gawas nga sa ilang pagka-nauli-an sa sakit ug ug pagkaadawat sa benepisyo nga gitagana alang sa mga nasakit nga sakop sa GSIS, may posible pa sila nga madawat nga kwarta nga hinabang.

Ang dugang nga P10,000 nga hinabang magagikan sa Employees Compensation Commission (ECC).

Niini nagpahibaw ang GSIS sa ilang mga sakop nga nakafile og nakaclaim sa tseke gikan sa GSIS sa ilang benepisyo isip employees compensation human na-ulian sa Covid-19 nga aduna pay P10 mil nga kwartang hinabang gikan sa ECC.

Ang ECC, usa ka korporasyon sa goberno nga nakakabit sa Department of Labor and Employment (DOLE) alang sa policy coordination ug guidance.

Ang ECC, quasi-judicial corporate entity nga namugna aron mapatuman ang Employees’ Compensation Program (ECP) sa kagamhanan pinaagi sa paghatag og mga benepisyo alang sa mga empleyado sa goberno ug pribadong sector ug sa mga nagsalig niini nga mga dependents, ilabi na sa higayon nga may mahitabo nga makabalda sa ilang pagtrabaho sama sa pagkasakit, pagka-aksidente, pagkabaldado o pagkamatay.

Una na nga gibutyag ni Labor Secretary Silvestre Bello nga ang mga Pinoy nga trabahante nga natakdan sa Covid-19 makadawat na og dyutay nga bayad gikan sa goberno pinaagi sa ECC.

Dugang niya nga giaprobahan na sa ECC Board ang pagpasukip sa Covid, ang ika 33 nga sakit nga pwede kahatagag bayad nga anaa sa listahan sa ECC isip nga sakit nga makuha sa trabahoan.

Dugang ni Sec. Bello, “ang ECC mibarug gayud sa pagpadeklara sa Covid ilawom sa teyoriya nga “ ‘increased risk’ sa ECP.

Nunot niiini, alang sa pag duso sa papeles alang sa kwarta nga hinabang, ang mga miyembro kinahanglan nga magdala sa lima ka mga rekisitos nga naa sa checklist.

Una, gikinahanglan nga ipasa ang accomplished ECC Cash Assistance Application Form. Ikaduha nga ipasa ang Proof of Approved EC claim gikan sa SSS o GSIS.

Ikatulo ang EC Voucher nga gihatag sa mga sakop diha nga ilang giclaim ang ilang tseke sa employees sickness benefit.

Ikaupat, kadtong moclaim, gikinahanglan nga mopasa og duha ka kopya sa ilang valid IDs, mas maayo kon sa opisina o sa kompanya nga gitrabahoan, SSS o GSIS o uban pang ID nga gihatag sa goberno.

Ika lima, kinahanglan usab iduso ang Medical Abstract o Medical Certificate sa pagkasakit sa Covid lakip na ang lanat sa panahon nga naglubog kay nasakit, o ang Laboratory (RT-PCR) test result gi-isyo sa usa ka DOH accredited testing center o Quarantine Clearance nga gipagawas sa LGU-Health Office o sa BHERT nga nagpakita nga siya napositive, ug kini nga result kinahanglang.

Moduso usab og Certificate of Employment gikan sa ahensya nga gitrabaho-an.

Matud sa DOLE, ang application forms nga makuha gikan sa GSIS portal, mahimo ipaxerox ug isukip na dinhi ang EC Cash Assistance Form gikan sa ECC.

Alang sa dugang pangutana email ngadto sa: gsiscebu@gsis.gov.ph. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.