By Rey Anthony Chiu/PIA-Bohol | 08:24 PM August 10, 2021
Mas nagka-delikado ang kahimtang sa mga Pilipino karon nga nakig-batok sa coronavirus disease (Covid-19) ug mas migawas ang ka-importante sa pagpabakuna.
Kini human namatikdan sa Department of Health (DOH) ang pagsaka sa kadaghanon sa mga kaso sa Covid-19 sa tanan nga mga edad, bisan pa sa mga bata nga kaniadto, gituohang may mas taas nga resistensya batok sa sakit.
Gipadayag sa DOH nga may namatikdan sila nga 59% nga pagsaka sa kaso sa tanan nga mnga hut-ong sa edad (age-groups) niadtong Hulyo 13 ngadto sa Hulyo 25 kon itandi sa Hulyo 26 nagdto sa Agosto 8 nga ihap.
Diugang pa, sa mga gibbantayan nga age groups,ang labing taas nga pagsaka namatikdan sa mga nag-eada ug 30 nagdto sa 39 age group ug ang labing ubos namatikdan sa mga 80 anyos pataas, sa nahisgutang panahon.
Mahimo nga kini epekto na sa pagpabakuna sa mga senior citizens nga kasagaran makalakaw pa ug may dako nga kahigayunan nga matakdan.
Kini Dungan na usab sa namatikdang pagsaka sa kaso sa mga kabataan nga natakdan sa sakit.
Gipasabut ni DOH undersecretary Maria Rosario Vergiere nga nakasabut ang kagamhanan sa kahingawa sa nakamatikod sa pagsaka sa kaso sa Covid-19 sa mga kabataan apan, dugang niya, angay nga sayran sa tanan nga ang pagsaka namatikdan sa tanan nga age brackets ug dili lang sa mga bata.
Gani, dayag pa sa undersecretary, mao kini ang hinungdan nga ang kagamhanan nga mipatuman sa Covid-19 national vaccination program nagsubay sa priority groups aron maapod ang bakuna sa mas nanginahanglan taliwala sa nagnihit pa nga supply sa bakuna.
Mitaho ang DOH nga hangtud Agusto 7, may hingpit nang nakakuha sa duha ka tupokan o hingpit nang nabakunahan nga nga 11.2 ka milyon ka tawo.
Niini, wala pa maapil ang pagpamakuna sa mga kabataan.
Subay usab niini, awhag sa DOH ngadto sa mga hamtong, parehistro na sa mga LGUS alangs amas dal inga pagpabakuna samtang wala pa magsugod ang paghatag og panalipod sa mga kabataan.
Dason niya, kon bakunado na ang mga hamtong nga kauban sa mga kabataan sa balay, il ana usab nga gipanalipdan ang ilang mga kabataan sa sakit.
Bisan pa niini, awhag sa DOH, magpabilin nga magsubayt sa mga minimum public health protocols sama sa pagsul-ob og facemask, face shield, pagsocial distance, panghunaw ug paglikay sa mga tapok ilabi na sa mga sirado ug walay hamugaway nga hangin. (rahc/PIA-7/Bohol)
