By Rey Anthony Chiu/PIA-Bohol | 11:13 AM June 18, 2021
Gisugdan na ang paningkamot sa paghimo sa isla sa Cabilao nga ikaduhang isla sa Pilipinas nga Zero Waste Island sa Pilipinas ug ang labing una nga Zero Waste island sa Bohol.
Pinaagi sa Tana! Youth Project, gisugdan na ang labing unang mga lakang aron mamahimong makab-ot ang tinguha nga himoon ang ambisyoso nga pagwala nay basura nga makit-an nga nagkatag sa kabaybayonan sa sila.
ANg Tana! Youth Project, usa ka hinusang lihok sa mga kabatan-onan nga nagtutok sa duha ka nag-arko nga palataporma.
Kini nga plataporma mao ang pagbuntog sa kawad-on pinaagi sa Malungtaron nga Tumong pangkaugmaran o Sustainable Development Goals (SDGs) ug ang Pagtamod sa gender, sa laraw sa pag-ugmad sa mga lugar o Gender-Responsive Rural Development (GRRD).
Tumong sa proyekto ang pagpa-apil sa mga kabatan-onan sa mga banika nga wala makaapil ug wala madungog ang ilang tingog.
Samtang ang Sangguniang Kabataan Municipal Federation (SKMF) sa Loon u gang Municipal Agriculture Office (MAO) didto nakigtagbo na sa Project Team sa Zero Waste Island Cabilao Youth Catalyst Action (YCA).
Gipasabut ni Jairus Ismael Chiu ug Youthlead Philippines Founder ug tsirman nga si Metodio Maraguinot Jr ang proyekto.
Kauban usab nila sila Kyle Lanzaderas sa Bohol 4-H Club, Dignity Lagunay sa Kabiling Lunhaw, ug Rey Anthony Sapid sa RLG Foundation.
Si Loon SKMF President April Joseph Corceiga, MAO Solid Waste Management Officer-Designate Roy Roferos ug MAO Staff Cathyryn Lugo maoy nitambong sa tigum sa katungod sa LGU.
Ang Zero Waste Island Cabilao usa ka youth catalyst action sa Tana! Youth Project nga nagtutok aron himoon ang pagdumala sa basura sa mga taga isla nga epektibo ug sagopon na ang Zero Waste System ug RA 9003.
PInaagi niini, sagopon sa proyekto ang pagkampanya, paggahum sa katawhan, paghatag kanila sa saktong mga kapasidad ug pagkurambusay paingon sa mga tuyo sa malungtaron nga pag-ugmad.
Kon magmalampuson, ang isla sa Cabilao mamahimo na unya nga ikaduha nga isla sa Pilipinas nga Zero Waste ug ang labing una nga isla sa Bohol nga makaangkon sa susamang dungog. (rahchiu/PIA-7/Bohol/LOONFb )
