By Rey Anthony Chiu/PIA-Bohol | 05:28 PM June 14, 2021

Photo: Rey Anthony Chiu/PIA-Bohol

Gipahugtan sa Sugbo pinaagi ni Cebu Governor Gwendolyn Garcia ang patakaran sa pagpasulod sa mga tawo sa Sugbo, dungan sa pagdagsang sa sakit nga coronavirus disease (Covid) sa mga silingan nga lalawigan sa Bohol ug Negros Oriental.

Matud ni Gov Garcia, ang Sugbo nahiluna na sa 11 ka buwan nga anaa sa Modified General Community Quarantine, apan nakit-an sa mga tinugyanan niini nga sa 128 ka mga lalawigan ug syudad nga may maka-alarma nga kaso so Covid, ang Negros Oriental nga silingang isla-nga lalawigan niini sa kasadpan, naa na sa ika duha sa may labing daghang kaso.

Sa laing bahin, sa kasubangan nga bahin, ang isla nga lalawigan sa Bohol, anaa na usab sa ika 28.

Niini, dihang nakit-an sa mga tinugyanan sa Department of Health, Interior and Local Government ug representante sa Office of the Presidential Assistant in the Visayas uban sa babayeng gobernador ang delikadong sitwasyon nga motabok sa Sugbo ang suliran, nahukman nga patas-an ang rekisitos sa mga mosulod sa Sugbo gikan sa Negros Oriental, Negros Occidental ug sa Bohol.

Niini, sa mga mosulod sa Sugbo gkan sa mga nahisgutang lalawigan pinaagi sa mga pantalan, pangayoan na sa negatibo nga resulta sa Covid pinaagi sa RT PCR, nga gikuha 72 ka oras sa dili pa mosakay gikan sa pantalan nga gigikanan.

Kon dili makakuha sa RT PCR, mahimo ang negatibo nga resulta sa Covid pinaagi sa Rapid Antigen Test nga nakuna 48 oras sa dili pa moluwan sa barko sa gigikanan nga lalawigan.

Dungan usab niini, gipahinumdom sa babayeng gobernador nga ang respoonsibilidad sa pagpahigayon sa RAT diha sa mga pantalan nga gigikanan sa mga molabang paingon sa Sugbo nga walay gihuptang rekisitos anaa sa DOH.

Dugang sa gobernador nga Ang Philippine Ports Authority ug ang Philippine Coast Guard moabag usab sa DOH sa pagseguro nga kadtong makatabok, walay dala nga mga sakit nga makatakod, ilabi na gayud sa Covid. (rahchiu/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.