By J. Jala | 11:09 PM November 19, 2021
Nipasa ug resolusyon ang mga myembro sa Sangguniang Panlungsod nga gipangulohan ni Bise Mayor Toto Veloso nga maga-awhag sa Bohol Inter-Agency Task Force for Infectious Diseases (BIATF) ug ni Gobernador Arthur Yap nga libkason o tangtangon ang curfew sa dakbayan sa Tagbilaran.
Kini human nga mipadayag si Konsehal Agustinus Gonzaga nga angay na nga itangtang ang curfew para makabalik og hinay hinay ang economic activity sa syudad.
Apan tungod kay ubos pa sa Alert Level 2 ang probinsya sa Bohol, dili gihapon hingpit nga malibkas ang curfew. Ang guidelines nagmando nga ang curfew mahimo lamang ibalhin ngadto sa 12 sa tungang gabi-i.
Ang maong resolusyong paga sponsoran nila konsehal Gonzaga ug Adam Jala.
