By Marisol Bo-oc | 04:57 PM March 20, 2021
Dili pa puwede makadunggo pagbalik sa Pasil, Cebu City ang mga mananagat nga gikan sa lalawigan sa Bohol.
Matud ni Irvin Cabales, pangulo sa Market Operations Division (MOD) sa taho sa Banat News, nga maglisod pa og dunggo sa Pasil ang mga mananagat nga gikan sa Bohol tungod sa nagpadayon nga kaugmaran sa fish market sa maong lugar.
Ug dili pa niya matino kung kanus-a mahuman ang maong kaugmaran apan iyang gipaniguro nga makabalik ra sila sa pagdunggo.
Nasayran nga giproseso kaniadto sa MOD ang gikinahanglan nga clearances sa nagkadaiyang ahensiya aron makabalik sa operasyon ang kapin sa 20 ka bangka nga gikan sa Bohol.
Gani adunay negosasyon nga ilang gibuhat ngadto sa opisyales sa Bohol alang sa maong katuyoan.
Naputol ang operasyon sa mga mangingisdang Bol-anon sa Pasil niadtong buwan sa Mayo sa niaging tuig tungod sa pandemiya.