BOHOL WEATHER

Bohol Island News

Your source of reliable news and content in the island.

Wala nay mogawas sa balay nga dili magsul-ob og mask sugod karung Marso 26

By Rey Anthony Chiu, PIA-Bohol | 07:35 March 23, 2020
SUGOD SA HUWEBES. Did-an na ang mga tawo sa Bohol nga makagawas sa ilang mga panimalay diin sila naghimo sa self-ug community quarantine kon walay isul-ob nga face masks. ANg mga establismeneto ug mga buhatan sa kagamhanan usab dili na magpasulod sa mga walay face masks nga gisul-ob. (rahchiu/PIA-7/Bohol)

Sugod karong alas 5:00 sa sayong buntag sa Huwebes, Marso 26, did-an na ang usa ka tawo nga magawas sa iyang panimalay nga walay gisul-ob nga face mask.

Ang nahisgutan nga face mask agi og panalipod nga mahanggap sa us aka tawo ang kagaw nga mananankod, mahimo nga kadtong cloth mask nga mahimong labhan, disposable surgical mask, particulate respirator mask (N-95) o improvised face mask, segun pa sa mandu.

Kini maoy gipasabut sa Executive Order No 15 nga gilagdaan ni Gob Arthur Yap niadtong Marso 21, 2020, agi og pagpahimutang sa uka ka mekanismo sa reverse isolation.

Dungan usab niini, ang tanan nga mga establisemento ug mga buhatan sa kagamhanan, hugot na nga magdili sa pagpasulod sa bisan kinsa nga walay face mask nga gisul-ob sa sakto nga pamaagi.

Kini pipila lamang usab sa mga lakang nga gipatuman sa Bohol dihang gipahimutangang lalawigan sa community quarantine subay sa Executive Order No. 8.

Kini usab bisan pa nga walay kompirmado nga positibo nga kaso sa COVID-19 sa Bohol.

Hinuon, ang kalit nga pagdaghan sa mga kompirmando nga nag positibo sa sako sa COVID sa nasud, nagatanyag sa mas pugos nga panginahanglan sa pagpatuman sa dugang lakang aron makontrolar ang pagkatag sa sakit ug paghimo sa Bohol nga luwas sa hulga niining mananakod nga sakit.

Natumbok na usab sa gobernador nga bisan kon 5 porsyento lamang sa mga nalista nga Patients Under Monitoring ang modevelop ngadto nga sa Severe Acute Respiratory ug Moderately Acute Respiratory Illness, mohagba na ang mga pangpubliko ug pribadong mga tambalanan dinhi.

Ang paghagba sa serbisyo sa mga tambalanan, mao na unya ang hinungdan nga ang mga pasyente mas mograbe ug magak positibo na hinuon sa COVID.

Samtang gipaningkamutan pa gihapon nga ikapatuman sa lalawigan ang social o physical distancing, sa kakuwang sa mga tambalanan ug sa ilang mga kagamitan, gikinahanglan nga mangita pa ang Bohol sa ubang lakang, gawas lamang sa curfew, matud ni Gob Yap.

Niini, matud niya, gikinahanglan sa Bohol ang pugos nga pagpasul-ob sa face mask sa ilang pagagwas sa mga panimalay.

Niini usab, gimanduan na sa Gobernador ang tanan nga mga barangay officials uban sa mga sakop sa kapolisan sa estrikto nga pagpatuman ug pagmonitor sa mga tawo hangtd nga wala nay mogawas nga walay panalipod pinaagi sa face mask.

Leave a Reply

This site uses Akismet to reduce spam. Learn how your comment data is processed.

%d bloggers like this: