By Rey Anthony Chiu/PIA-Bohol | 02:37 PM November 22, 2019

Nangita ka pa ba gihapon og trabaho nga kasudlan?

Kon duna kay katakus sa mga gimbuhaton sa konstraksyon, engineering, medical, Business Process outsourcing (BPO) o Call Center, Hotel and Restaurant services, Sales ug Merchandising, Manufacturing, Retailing, ug General Administrative support, andama na ang imong mga papeles.

Apan, kinahanglan ka una nga magpalista aron naa na dayon sa inyong tagsa-tagsa sa Public Employment Service Offices (PESO) sa lungsod aron makakuha ka na sa documento nga gitawag og registration cards nga maoy passes sa Jobs Fair.

Pangandami usab ang panahon nga ma-interview ug ikahibalag ang mga employer.

Matud sa BEPO, moanhi dinhi sa Bohol ang mga employer atul sa usa ka adlaw nga Local ug Overseas nga Jobs Fair sa Nobyembre 30, 2019 didto sa Bohol Cultural Center.

Ang Jobs Fair nga magsugod sa alas 8:00 ngadto sa alas 5:00 sa hapon, matud pa ni Vilma Yorong, hepe sa Bohol Employment and Placement Office (BEPO),

Hinuon, dugang sa pahibalo sa BEPO, kinahanglan nga ang mga aplikante nga mo-adto didto sa Nobyembre 30, nalista na nga daan sa BEPO, o sa Public Employment Service Offices (PESO) sa kalungsuran, aron makadala na sa registration cards nga gikinahanglan sa Jobs Fair.

Unya, sa adlaw sa Jobs Fair, mas maayo nga magbitbit na ang aplikante sa iyang:

-Comprehensive Resume’ o Biodata,

-2×2 ID Photos

-Diploma o Transcript of Records

-Form 138 kon high school graduates

-TESDA Certificates, Training and Employment Certificates,

-NBI Clearance

-Police Clearance

-Barangay Clearance,

-Passport (ilabni na kon ang pangaplayan, alang sa gawas sa nasud)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.