By PIA-Bohol | 09:29 AM December 19, 2025
TAGBILARAN CITY, Bohol —Dili na mahimo ang gibuhat sa mga sakay sa panahon: wala nay langyaw o dili taga Bohol nga makadalidali og pasulod sa tours nga dili magkuha og rehistradong Bol-anon nga partner.
Kini kon makalusot sa ikatulo nga pagbasa ang Bohol Sustainable Tourism Development Code (BSTDC) nga una nga giduso isip hinog na nga balaodnon ni Board member Jiselle Rae Villamor aron may makagiya na usab sa pag-ugmad sa turismo ug mga susamang kalihukan sa Bohol.
Nakalabang na sa ikaduha nga pagbasa ang nahisgutan nga balaodnon, nga nagsukip sa giingon nga probisyon.
Kahinumduman nga, sa kawalay probisyon nga magpugong sa mga dili taga Bohol nga magdala og mga turista ug kaugalingon nga mga lumilihok sa turismo nga mangunay og himo sa mga tours dinhi, dili lamang nagpadehado sa mga taga Bohol nga tourism stakeholders, kini usab dili halayo sa posibilidad nga mga sayop ang kasayuran ang ikahatag ug dili makatagbaw ang gitanyag nga tours.
Niini, sa usa ka resolusyon, ang Bohol Alliance of Travel and Tour Operators (BATTO) niadtong Oktubre 2025 ang gipasa ngadto sa Sangguniang Panlalawigan Sangguniang Panlalawigan.
Kini nga ipasukip sa Revised Tourism Code ang probisyon nga magpugos sa tanan nga travel ug tour agencies gikan sa gawas sa Bohol, nga magdala og turista aron maghimo og tour sa Bohol, nga mogamit gayud sa lisensyado nga tour guide sa Department of Tourism (DOT), ug mga makig-partner sa usa ka lisesnyado nga tour operator nga nakabase sa Bohol.
Gawas sa BATTO, gireklamo usab sa mga local drivers ang sistema sa mga nahisgutan nga tours tungod kay ang tigbyahe nga mga sakyanan, kadtong mga kolorum, samtang magbitbit og mga giingon nga tour guides nga walay ikapakita nga pagtugot sa DOT sa Pilipinas.
Tungod usab niini, sa Section 80 sa nahisgutang balaodnon, gilantaw nga ang pagpangita og kaabag nga tour operators nga taga Bohol magseguro sa koordinasyon sa mga bisitahon nga lugar, pagdumala sa mga turista subay usab sa mga regulasyon sa turismo nga gisunod sa Bohol.
Hinuon, ang balaodnon karon, itak-ang pa alang sa katapusang pagbasa aron kaaprobahan, bisan pa nga ang SP, dagway og uyon niining lakang. (PIABohol)
