By Rey Anthony Chiu | 08:50 AM March 04, 2025
Mas barato nga pletehan sa kargamento ug sa sakyanan nga iluwan sa barko ngadto sa Siquijor, Plaridel ug Sugbo.
Kini maoy gisaad ni Jun Enerio Lim, president ug CEO sa Lite Shipping kinsa ming papule sa pag-alagad sa mas gamay nga Lite Shipping 11 sa mas bag-o ug mas moderno nga Lite Shipping 10, niadtong paghimo sa pagpanalangin sa paglusad sa bag-ong 3,390 gross tonnes nga barko nga Roll-on Roll-Off passenger vessel.
Ang Lite Ferries 10 mag serbisyo sa ruta nga Cebu, Tagbilaran, Siquijor ug Plaridel matag adlaw, kon itandi sa ka upat lamang matag semana kaniadto. .
Ang bag-ong barko nga giclassify sa Royal Institutes of Naval Architects isip luwas ug hamugaway nga sakyanan sa dagat, makakarga og 20 ka ten-wheeler trucks ug 10 ka mga awto.
Kaya modagann gadto sa 10 ka knots, ug sa kadakuon sa iyang cargo deck, se economies of scale, mas mapabarato og hangytud 90 % ang balayrana, dayag ni Lim.
Gilauman usab nga kuyog sa plete sa kargamento, mapamaayo usab ang suplay sa Bohol sa mga panakot, utanon ug mga pagkaon gikans a Mindanao ug Misamis Occidental.
Pagdagsang sa mga turista usab sa kasadpang bahin sa Mindanao ang dala sa Lite Shipping 10 nga may 500 ka mga pasahero nga pwedeng makasakay sa airon tourist ug non aircon economy accommodation nga pulos higda.
Sa ingon nga katikaran, si Gob Erico Aristotle Aumentado mingbutyag nga ang bag-ong barko nga Bol-anon, magpadali ug magpapaspas sa logistical movement sa rehiyon, nga usa sa mga suporta nga gipaabut sa dako nga RoRO vessel sa Mindanao. (RAHC/PIABohol)
