By I. Inojales | 04:57 PM March 01, 2025
Gimando ni Department of Transport (DOTr) Secretary Vince Dizon karung adlaw’ng Sabado, Marso 1, ang hinanaling preventive suspension sa tanang personnel sa Land Transportation Office (LTO) nga nalambigit sa viral incident kagahapon sa Panglao, Bohol.
“Kini magpabilin nga epektibo samtang naghulat sa pagkompleto sa usa ka hingpit ug walay pagpihig nga imbestigasyon sa mga sirkumstansya nga naglibot sa panghitabo,” ingon sa DOTr sa usa ka pahayag.
Nagkanayon usab ang ahensya nga maghatag kini og dugang mga detalye samtang nagpadayon ang imbestigasyon.
Kini nga mga lakang nahitabo human sa viral video nga nagpakita sa LTO enforcers sa Panglao, Bohol nga gidakop ang usa ka lalaki nga si Bert Velasco nga nagmotorsiklo tungod sa pagdala og kutsilyo.
Usa ka enforcer ang nakit-an nga naggunit si Velasco nga nagbuy-od sa usa ka motorsiklo ug gihulga siya gamit ang kutsilyo.
Sa dihang si Velasci giguyod sa yuta, siya balik-balik nga miingon, “Mag-uuma ako, Sir.”
Si Dizon una nang nilusad og imbestigasyon sa maong insidente. Iyang gitahasan si Transport Assistant Secretary for Road Transport nga si Jojo Reyes sa paghipos sa mga hingtungdan nga impormasyon alang sa rekomendasyon ngadto sa kalihim.
