By Rey Anthony Chiu | 10:34 PM November 12, 2024
Gimandu na ni Col. Arnel Banzon ngadto sa Provincial Investigation and Detection Unit ang imbestigasto aron sayran kon ngano nga wala mabadlong sa asawa nga pulis ang iyang bana nga nadakpan sa makaduha na ka higayon, sa pagkahilambigit sa illegal nga drugas.
Kini samtang kasamtangan nga gimanduan ang asawa sa pulis nga ibalhin sa Bohol Provincial Police Office, Provincial Personnel Holding and Accounting Office, samtang nagpadayon ang imbestigasyon.
Hinuon, gipasalig ni Banzon nga himoon sa BPPO ang tanan nga gikinahanglang buhaton aron iapaneguro nga ang opisyal sa kapulisan, manubag kon unsa man ugaling ang matumbok sa makuha nga ebidensya diha sa imbestigasyon.
Kahinumduman nga niadtong Nobyembre 8, sa us aka buy bust operations sa joint teams a mga tinugyanan, nadakpan ang usa ka suspect nga namaligya og gituohang shabu, didto sa Purok 8, Bool, Tagbilaran City.
Ang suspect, usa ka 40 anyos nga high school level, walay trabaho, taga Bonbon, Loay, minyo sa usa ka pulis, ug dugay na nga anaa sa listahan sa regional watchlist, kay gani nadakpan na niadtong 2016.
Nasakmit sa nasampit nga operasyon ang 1 ka medium heat-sealed transparent plastic sachet containingnga may puti nga crystalline substance nga gituohang shabu nga mitimbang og 5 gramos ug may street value nga P15,000.00.
Nakuha usab gikan sa suspect ang 4 medium heat-sealed transparent plastic sachets nga may puti nga crystalline substance nga gituohang shabu nga mitimbang og 20 grams ug may standard drug price sa P136,000.00.
Gawas sa nasakmit nga gituohang drugas, nakuha usab gikan sa suspect ang 1 pc genuine us aka libo ka pesos nga may serial number EM670969 nga gipaibabaw sa 14 ka peke nga us aka libo nga gigamit isip buy-bust money, ug usa ka cellular phone, ug us aka kaha sa sigarilyo nga gigamit isip gisudlan sa gituohang shabu.
Ang nadakpan, mag atubang sa kaso nga paglapas sa Sections 5 ug 11 Art. II sa RA 9165, samtang ang iyang asawa, magpaabut pa nga matibawas ang imbestigasyon batok kaniya. (PIABohol)
