By Inocensia Inojales | 11:17 AM October 02, 2024
Wala damha nga nausob ang desisyon ni Candijay Mayor Thamar Olaivar nga mudagan na siya pag-usab isip mayor human naghimo og prayer rally ang iyang mga suporter ganihang buntag.
Mismo si Olaivar ang ming-anunsyo nga dili na siya magpapili pag-usab sa miaging semana nga nagpakugang sa ilang mga supporter ug kaalyado nga maoy nagpaduda nga adunay pagkabingkil sila Olaivar ug iyang Bise Mayor Christopher Olaivar, ang bana ni 3rd District Congw. Alexie Tutor.
“Lalaban tayo ulit,” giingnan ni Olaivar iyang mga supporter.
Gihilot usab ni Gov. Aris Aumentado niadtong Sabado sila si Olaivar ug Tutor nga adunay “misunderstanding.” Nasayran nga adunay nagsugnud og estorya para masiak ang relasyon nila Olaivar ug Tutor.
Si Tutor magpabilin mudagan og Bise Mayor.
Si Olaivar kapikas ni DepEd Sec. Trygve Olaivar.
