By Marisol Bo-oc | 10:52 AM November 06, 2023
Usa ka Bol-anong katabang ang gipadakop sa iyang amo kay naaktohan nga gikawat ang mga alahas niini nga mobalor sa usa ka P1-milyon sa Pit-os, Cebu City.
Ang suspetsado nailhan nga si Jovelyn Nuez, 29, taga Purok 7, Santo Niño lungsod sa Talibon, Bohol.
Andam na unta mugawas si Nuez sa balay bitbit ang mga alahas sa dihang nasakpan sa iyang mga amo.
Nabilango karun sa Talamban police station si Nuez.
Giingong modus na niya kini diin kung makasulod siyag isip katabang manguha gyud kinig mahalon nga butang sa iyang amo.
Ang kapulisan niawhag sa publiko nga dili basta-basta modawat og katabang kung dili makuha ang background niini.
