By PR | 05:10 PM October 27, 2023
Gitapos sa Kagamhanang Probinsiyal sa Bohol ang pagsaulog sa buwan sa kooperatiba sa usa ka programa nga gipahigayon sa Bohol Cultural Center adlawng Biyernes, Oktubre 27, 2023.
Giabi-abi ni Provincial Cooperative Development Council Chairperson Board Member Lucille Lagunay ang mga bisita gikan sa rehiyon, nasyonal ug mga konseho sa mga kooperatiba sa tibuok probinsya.
Sa iyang mensahe, gi-ila ni Gob. Aris Aumentado ang kalig-on sa mga kooperatiba taliwala sa ekonomikanhong mga hagit nga giatubang sa nasud.
Isip suporta sa kalihokan, mitambong usab si Senador Ronald “Bato” Dela Rosa uban ni Usec. Joseph Encabo, Cooperative Development Authority Region VII (CDA-7) Director Cristina Villamil, ug Bise Gobernador Dionisio Victor Balite.
Human sa paniudto, gi-orient ni CDA 7 Officer Cletus Villamor ang mga coop councils.
Gipresentar ni Jude Bernard Guieb, Development Specialist sa Department of Trade and Industry – Bohol, ang mga programa ug proyekto sa maong ahensya.
Ang UNIGROW Biotechnology Key Account Manager nga si Jimhar Vistar mipa-ambit kabahin sa sustainable agriculture technology.
Gipresentar pud ni Haide Hiney, Admin Officer IV sa Technical Education and Skills Development Authority, ang mga programa ug serbisyo sa ahensya.
Sa usa ka pakighinabi, gipaambit ni Provincial Cooperative Development Office (PCDO) Head Ma Conrada Fuentes nga padayon nga gipadali sa ilang buhatan ang nagkalain-laing mandatory trainings ug livelihood assistance aron mapalig-on pa ang mga kooperatiba.
“Challenging kay naka-agi tag pandemic, bagyo, and tungod sa collaborative efforts, support sa provincial government ug national agencies, nakuha gyud nato ang success sa long-month celebration,” dugang niya.
Subay sa Strategic Change Agenda, prayoridad sa administrasyon nga Aumentado-Balite ang pagkab-ot sa malungtarong kalamboan sa mga komunidad pinaagi sa mga kooperatiba. (PIMO/JSS)
