By J. Jala | 12:26 PM September 27, 2022
Usa ka lalaki nga igo ra nagkuha og police clearance ang nadakpan sa Tagbilaran City Police Station.
Ang nadakpan nailhan nga si Luke Jon Axl Borja, 28 anyos, usa ka residente sa Barangay Poblacion I ning Dakbayan sa Tagbilaran.
Nahibaw-an gikan sa National Police Clearance System (NPCS) nga may warrant of arrest si Borja sa kasong adunay kalapasan sa R.A 9262 (Violence Against Women and Children) nga gi-isyu ni Acting Presiding Judge Zarah Daquila Aguisando-Silvosa sa 11th Judicial Region, Branch 33 sa Davao Del Sur.
Adunay girekomendar nga fixed bailbond nga P36,000.00.
Anaa na sa kustodiya sa Tagbilaran City Police Station ang dinakpan.
