By PR, Helen Castaรฑo| 04:28 PM August 17, 2022

Nakigkita karung adlaw’ng Miyerkules (Aug. 17) si Gobernador Aris Aumentado sa bag-ong kalihim sa Department of Public Works and Highways (DPWH) nga si Manuel Bonoan aron pagpangayog suporta sa mga infrastructure project para sa lalawigan sa Bohol.

Gipasiguro ni Aumentado kang Bonoan nga dili makalimtan ang mga proyekto para sa Bohol. Apil na niana ang taytayan nga musumpay sa Tagbilaran City ug Panglao Island.

Ang maong proyekto aduna nay grant gikan sa China aron kini mapondohan.

Nangayo usab siya og suporta sa mga proyekto sa 3 ka distrito sa Bohol ilabina ang Tourism Road Infrastracture Program or TRIP ug Road Leveraging Linkages of Industry and Trade or ROLL-IT na pulos mga convergence fund uban sa Department of Trade and Industry (DTI) ug Department of Tourism (DOT) nga dako kaayo og benepisyo nga mahatag sa mga katawhang Bol-anon.

Samtang personal usab gibisita ni Aumentado ang iyang higala nga si General Manager Francisquiel O. Mancile nga karun mao ang Philippine Ports Authority (PPA) officer-in-charge.

Gipaabot ni Aumentado ang iyang kalipay sa mga Bol-anon sa pag abot sa Global Port Inc., na ang bagong nagdumala sa Tagbilaran Port ug gidawat nga isip dakong development para sa Bohol.

Pero iyang gipahibalo usab ang kahimtang sa mga yanong Bol-anon sa bagong port operator. Dili lang ang Bohol ang nakasinati ug nagbagolbol sa kamahal sa ilahang port services.

“Gipahibalo nato ang PPA na mitiabaw ang mga Bol-anon sa taas nga taripa. Mao ni nakahatag ug dugang kalisod ug kamahal sa atong pamaliton sa Bohol,” pamahayag ni Aumentado.

Matod ni Mancile, ilahang tutokan ug pangitaan ni sa insakton sultion para maka ginhawa ang mga Bol-anon.

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.

%d bloggers like this: