By Rey Anthony Chiu | 10:31 AM April 03, 2022

Mingsaka og 2.43% ang kinatibuk-ang kadaghanon sa nabakunahan sa Bohol sa katausang napulo ka adlaw, segun sa taho sa Bohol Inter Agency task Force (BIATF) niadtong Marso 25.

Ang 2.43% mao ang 17,595 ka mga Bol-anon nga nakakuha sa ilang ikaduha nga tupokan sa bakuna batok sa coronavirus disease (COVID-19) niining katapusang 10 ka adlaw. 

Tungod usab niini, napun-an og 1.07% ang talaan sa mga nakakuhag kompleto nga dosage sa bakuna segun sa taho sa BOATF niadtong marso 15, 2022. 

Niadtong panahona, mitala na ang Bohol sa 60.75% fully vaccinated inividuals sa 70% nga eligible ug anaa sa priority alang sa programa sa pamakuna. 

Sa kasamtangan nga 61.82% nga kinatibuk-ang vaccination acoomlishment hangtud Marso 25, tataw nga daku [pa ang gikinahanglan aron makaabut sa 70% nga maoy gitumbok nga kadaghanon sa kinatibuk-ang populasyon aron kon mabakunahan na, makakauha na ang Bohol sa gilauman nga herd immunity. 

Sa kasamtangan nga 61.82% nga nabakunahan sa gitarget nga 1,106,084 eligible population nga anaa sa master list, nanginahanglan pa nga makapamakuna sa nahibilin nga 765,878 ka Bol-anon aron makapasar sa possible nga pagpakanaug sa kasamtagan nga COVID Alert Level. 

Kubos sa 70%, ang pamakuna sa Bohol wala pa makaabut sap unto nga pwede na tukion sa National Task Force on the management of Emerging Infectious Disease aron mapaubos ang COVID Alert Level 2 nga estado niini. 

Niadtong Marso 15, maynadugang nga 9,988 ka Boholanos sa mga nakakuha sa unang dose. 

Lain pa usab nga 17,595 ang natupokan sa ilang ikaduha nga dose. 

Sa laing bahin, may 3,554 ka Bol-anon nga nakadawat na sa ilang booster shots, samatang nangandam na usab ang Bohol sa ika-upat nga booster sa sunod buwan. 

Sa kinatibuk-an, sa katapusang napulo ka adlaw, 34,140 ka mga Bol-anon ang nabakunahan sa una, ika duha ug sa ilang bosster shots. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.