By Rey Anthony Chiu| 02:40 PM December 15, 2021

Kinahanglan na nga gamiton ang Janssen, bakuna sa Johnson and Johnsons isip primary dose, sa dili pa moabut ang Disyembre 27, 2021.

Kini subay sa National COVID Vaccination Operations Center (NVOC) Advisory No. 120, ngagipagawas Disyembre 14, 2021, aron kahatagan og giya ang paggamit sa mga bakuna batok sa Coronavirus disease (Covid-19).

Ang Advisory nga gitumong aalng sa mga Regional ug Provincial Vaccine Operations Centers apil na ang mga nagpatuman sa pamakuna ug nga vaccination sites, gipasidan-an na nga dili ihatag ang Janssen isip booster dose kay wala kini itugot.

Dugang sa NVOC, mahimo lamang nga kapun-an ang pundo nga bakunang Janssen subay sa paggamit usab sa tanang brands sa bakuna.

Dugang pa sa NVOC as advisory niini, unahon usab pagdapat ang Pfizer ug Moderna sa mga nodawat na sa ikaduhang tupokan ug alang sa mga 12 anyos ngadto sa 17 anyos.

Gipahinumdom usab sa NVOC nga alang sa pamakuna sa mga hantong o kadtong sakto na sa pangedaron, unahon ang paggamit sa mga bakuna nga Sinovac, Azreazeneca ug Sputnik V.

Sa kasamtangan, nasayran nga sa tibuok Central Visayas, mikabat na sa 533 ka bakuna ang nasayang.

Sa taho ni Dr. Shelbay Blanco sa Department of Health (DOH) Central Visayas Center for Health and Development (CV-CHD), sukad nangabut ang mga bakuna dinhi sa rehiyon, 75 na ka Sinovac, 168 ka Pfizer, 212 ka AstraZeneca, 49 ka Moderna, 2 ka Sinopharm ug 28 ka Gamaleya ang gikataho nga giabut sa pagkadaut.

Wala man hisguti sa Medical Officer III sa CVCHD kon unsay nahitabo nga may nangadaut sa higayon nga daghan pa ang mga wala mabakunahi, daghang rason nga ang bakuna ideklara nga nadaut na.

Una na nga gipasabut sa mga tinugyanan sa kasanihan nga kon ang bakuna igawas na sa iyang tipiganan ug maabrihan, dili na kini pwede nga ibalik pa sa pagtipig, mao nga kinahanglang magamit sa susamang adlaw nga gipagawas sa cold storage o tipiganan.

Ikaduha, may nga bakuna nga alang sa unom ka tawo, mao nga inig abli niini, kinahanglan nga may uno ka tawo nga mabakunahan niini, kay dili na kini pwede nga tipigan alang sa sunod nga pamakuna.

Sa mga bakuna nga arang ka sensitibo sa panahon, kon ibyahe kini sa mga layo nga lugar, kinahanglan lamang nga kini ikatupok dayun sa susamang rason sa unahan.

Sa taho sa DOH, labing daghang nadaut nga bakuna sa mga lalawigan ang sa Bohol nga miabut sa 208, sunod ang 121 ka bakuna sa Siquijor, 154 sa Cebu City ug province lakin naang highly urbanized cities u gang Negros Orienta nga may 48 ka bakuna nga nadaut. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.