By Rey Anthony Chiu | 05:21 PM November 03, 2021

Padayon pa gihapon nga nagka-ubos ang mga aktibo nga kaso sa coronavirus disease dinhi sa Bohol.

Sa taho sa Bohol Inter-Agency task Force on the management of Emerging Infectious Disease Nobyembre 2, 268 ka aktobong kaso ang natala sa Bohol.

Kini maoy ika 22 na ka adlaw nga ang mga aktoibong kaso, moubos pa sa 1,000 nga ihap sukad Oktubre 11, 2021.

Gani, gikan sa nahisgutang adlaw, nagsige na og ubos ang mga aktibong kaso nga mitala og 883 nioadtong Oktubre 12, hangtud nga karon, anaa na lamang sa 268.

Sa nahisgutan nga ihap gani, gikataho nga 4 lamang niini ang grabe nga kaso sa Covid, 33 niini ang medyo grabe ug 138 niini ang may dyutay nga gipamati nga sakit nga dala sa mga timailhan sa Covid.

93 usab ka mga Bol-anon sa 268 ka aktibong kaso ang walay timailhan sa sakit kay walay gipamati sa lawas ug walay timailhan, gawas lamang sa pagkasayud nga sila may dala na diay nga kagaw tungod sa testing.

Kon itandi ang kadaghanon sa aktibong kaso niadtong Oktubre 1 ug Nobyembre 2, makita ang pagkunhod nga miabut na sa 616%.

Sa kahigayunan nga maayo o mauli-an, gikan sa 88 sa matag 100 ang maCovid ang maayo niadtong Oktubre 1, miabut na karon sa 96 sa matag 100 ang naCovid apan maayo ra sa sakit.

Kini mahimong nagpakita nga may mga tawo na nga nakabaton na og kapasidad sa ilang lawas nga makasugakod sa sakit, o dili na madutlan sa Covid nga may ubos nga viral load.

Sa laing bahin, miabut na sa 30 ka adlaw nga ang mga bag-ong kaso sa Covid nga namatikdan, wala na makaabut sa 100 nga ihap.

Kini nagpakita sa nagkadyutay na nga mga tawo ag matakdan sa sakit.

Sa 163 ka mga swab samples nga gigamit sa mga tambalanan sa pag-ila sa si kinsa ang may kagaw na sa Covid sa ilang lawas, 16 lamang o 10% ang napakita nga ratio sa nagpositibo sa sakit.

Kini nagpasabut sa matag 100 ka pasyente nga gitestingan, 10 niini ang magpositibo sa sakit.

Kini daku na usab og kalainan kon itandi sa Oktubre 1 nga may 33.50% nga magpositibo sa matag testing.

Sa sinugdan sa buwan sa Oktubre, sa matag 100 ka pasyente nga gitestingan kaniadto sa sakit pinaagi sa pag-ila sa presenysa sa kagaw sa Covid, 33 niini ang magpositibo.

Samtang nagkanindot ang sitwasyon sa Bohol sa pagsumpo sa Covid, padayon pa gihapon ang aghat sa pagpabakuna samtang layo pa ang Bohol sa gitinguha nga herd immunity. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.