By Rey Anthony Chiu | 10:17 PM September 24, 2021

Gimugna na sa Gobernador ang Inspection and Certification Team sa Bohol Inter-Agency task Force on the Management of Emerging Infectious Diseases (BIATF ICT), kang kinsa nga buhat mao ang pagsubay sa mga gisugyot nga Temporary Treatment and Monitoring Facilities (TTMF) ug maghatag sa accreditation niini subay sa minimum nga sumbanan nga giandam sa Department of Health (DOH) alang sa mga nahisgutang pasilidad.

Kini dungan usab sa pagpabukas ug pagpadagan ug pagdumala sa mga TTMF subay sa Executive Order No. 46 nga giluwatan sa gobernador, Sept 17, 2021.

Ang pagpahiluna sa mga TTMF una na nga gimandu sa DOH sa Administrative Order No. 2021-0512 nga gipagawas niadtong Agosto 31.

Ang nahisgutan nga Administrative Order giila nga naghan-ay sa Guidelines alang sa Pagtubag sa mga Health Facilities sa pagdagsang sa COVID 19 sa nagkadaiyang mga lugar sa nasud.

Ang BIATF ICT langkoban sa us aka doctor gikan sa Provincial Health Office, usa ka doctor gikan sa DOH, usa ka representatnte sa DOH-Bohol, ang Provincial Disaster and Risk Reduction management Officer, representante sa Department of Interior and Local Government, ug representante gikans a Bohol Provincial police Office.

Sila usab ang natahasan sa paghipno ug pagpatuman sa sakto nga pagtimbang-timbang, pag-classify, pagdumala ug ang sundon nga sistema sa referral sa TTMF.

Ila usab nga bansayon ang mga nagdulama sa TTMF sa husto nga pag-atiman sa nga kaso nga mahidangat didto ug sa ilang mga gimbuhaton isip nagdumala sa TTMF.

Ang tanan nga TTMF kinahanglang mopasar sa inspection subay sa batakan sa DOH sa dili pa sila ilhon nga accredited TTMF.

Ang TTMF tabangan usab sa logistical, teknikal ug personnel support gikan sa Probnsya, sa DOH ug sa tinabangay sa mga local nga kagamhanan.

Tumong niining tanan mao ang paglikay nga mahugno ang health care system sa nasud , ug aron kalikayan kini, gkinahanglang anga ipatuman ang mga lakang sa pagpugong sa pagdagsang sa sakit subay sa mandu sa DOH.

Gawas pa, gipagawas usab sa DOH an gang nahauna nga Department Memorandum No. 2020-0512 niadtong Nobyembre 26 2020 nga nga pahiluna sa Revised Omnibus Interim Guidelines on prevention, Detection, Isolation ug Treatment and Reintegration strategies for Covid-19.

Dinhi, gimandu sa DOH nga kadtong kompirmado nga nasakit sa Covid-19 apan aduna lamay mild symptoms adto lamang ibutang ug i-isolate sa TTMF o sa mga stepdown care facilities.

Tungod niini, gimandu ni Gob Yap ang pagpabukas ug pagpadagans a mga TTMF lakip na ang pagpagamit niini alang sa na-arang-arang na ang kahimtang gikan sa pagkasakit sa Covid ug kadtong na Covid nga mild lamang ang simtomas subay sa mandu sa DOH.

Kini isip kabahin sa local nga pagtubag sa sa nagpadayon nga pagsulbong sa kaso sa Covid-19. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.