By Rey Anthony Chiu/PIA-Bohol | 12:14 PM July 16, 2021

Gideklara na sa Malacanang ang Hulyo 20, 2021 adlaw nga Martes, isip regular nga holiday sa tibuok nasud.

Pinaagi sa Proclamation No. 1189 nga gilagdaan ni Presidente Rodrigo Roa Duterte niadtong Hulyo 15, 2021, gilansang na sa kagamhanan ang paghandum sa Eid’l Adha nianang adlawa sa 2021.

Ang Eid’l Adha, usa sa duha ka mga kasaulogan sa mga Muslim nga sumosunod sa Islam, nga gihimo na nga regular nga holiday sa Pilipinas.
Ang Eid’l Adha ug ang Eid’l Fit’r mga kasaulogan sa Islam nga gihangop na usab sa mga Kristyano sa nasud aron kahatagan ang mga Pilipino sa higayon nga mahiusa sa pagtahud sa kultura ug tradisyon sa mga tumutuo.

Ang Eid’l Adha, naghandum sa kasaysayan sa tinuohan kanus-a si Abraham gimandu-an sa labaw nga makakakagum sa paghalad sa iyang bugtong anak nga si Isaac, agi og pagsuway sa pagtuo sa naha-una.

Ang Eid’l Fit’r, gisaulog usab nga kapistahan sa pag-undang na sa pagpu-asa, gikan sa kaadlawaon ngadto pagsawop sa adlaw, nga sarang gibansay sa mga Muslim sa panahon sa Ramadan.

Kahinumdumannga pinaagi sa Republic Act 9849, gitakda na nga saulogon na sa nasud ang Eild Adha isip kabahin na sa mga regular nga holidays sa nasud.

Hinuon, sanglit ang mga kasaulogan sa mga Islam, nagsubay sa lunar calendar, wala kini piho nga petsa sa matag tuig kay magdepende kini sa lihok sa buwan.

Alang niini, ang National Commission on Muslim Filipinos (NCMF) maoy gitahasan sa kagamhanan sa pagrekomendar ngadto sa palasyo sa petsa kanus-a saulogon ang duha ka mga kasaulogan sa tuig.

Niining tuiga, ang NCMF mirekomendar sa Hulyo 20, 2021 nga ipadeklara isip nasudnong holiday, aron mahandum ang Eid’l Adha.

Dungan sa pagdeklara sa Presidente, gipahinumdom usab niya, nga tungod sa panahon sa pandemya, ang pagsaulog kinahanglang magsubay kanunay sa mga lagda sa community quarantine ug magsunod sa mga social distancing measures. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.