By Rey Anthony Chiu/PIA-Bohol | 07:08 PM July 14, 2021

Gov. Arthur Yap

Gibakwe na ni Gobernador Arthur Yap ang katungod na unta nga gitugyan sa mga local nga kagamhanan sa pagtumbok sa oras sa ilang mga curfew.

Kini human gipagawas sa gobernador ang Executive Order No. 34, nga nagpahibalik sa curfew lukop sa tibuok Bohol gikan sa alas 10 sa gabii ngadto sa alas 4:00 sa kaadlawon, isip lakang sa pagpogong sa labing bag-ong pagdagsang sa coronavirus disease (Covid) dinhi sa Bohol.

Kini human usab gisugyot sa Liga ng mga Barangay sa Bohol pinaagi sa Resolution No 5, series of 2021 gipetsahag June 11 sa pagpasagop na sa usa lamang ka curfew alang sa tibuok Bohol dala sa kahasul sa pagpanakop samtang may ubang lungsod nga wala pa magcurfew.

Kahinumduman nga pinaagi sa Sangguniang Panlalawigan Ordinance No. 2020-007, gipatuman sa tibuok Bohol ang curfew gikan sa alas 9:00 sa gabii ngadto sa alas 5:00 sa saying kabuntagon, gawas lamang alang niadtong mga tawo nga adunay gikinahanglan nga lakwon sama sa mga health workers, mga nagpalihok sa operasyon sa mga botika ug, mga tinugyanan nga nagpatuman sa balaod.

Apan sa section 1(b) sa Executive Order No 52 series of 2020, gitukas ang mandu sa curfew sa Bohol human kini nga responsibilidad gitugyan ngadto sa mga Lokal nga Kagamhanan.

Kining duha ka mga lagda namatikdan nga may mga suliran tungod kay may mga magpatuman sa curfew sa us aka lungsod apan ang pikas lungsod, may pipila pa ka oras nga ang mga tawo makagawas.

Sa tigum sa mga sakop sa Leagur of Municipalities Bohol Chapter nga gitambongan usab ni Department of Interior and Local Government Undersecretary Bernardo Florece Jr. niadtong Hulyo 2, nasabutan nga sagopon na sa lalawigan sa Bohol ang hiniusa nga curfew.

Segun pa sa labing bag-o nga Executive Order, didto sa konsultasyon sa mga mayor, milutaw nga 23 sa 48 ka mga mayor ang mipili sa alas 10:00 nagdto sa alas 4:00 nga oras sa curfew.

Lain pa nga 16 ka mga mayor ang misugyot sa ilang gipili nga oras sa curfew samtang may lain pa nga siyam ka mga mayor ang walay gipili nga nga oras alang sa curfew.

Tungod niini, mihukom ang gobernador ang pagpatuman og usab sa curfew alang sa hiniusang oras na lamang apara sa Bohol, nga nagsugod sa Hulyo 12, 2021 hangtud kanus-a kini libkason sa gobernador.

Gimanduan usab sa nahisgutang executive Order ang kapolisan ug nga tigpatuman sa balaod sa pagpalig-on sa pagpatuman sa roving, patrolya ug pagpataw sa mga makalapas sa curfew sa mga gisaad sa Provincial Ordinance No 2020-022 nga nagpabag-o sa mga lagda sa Provincial ordinance No 2020-007.

Ang Executive Order 35 gilagdaan sa gobernador Huly0 8, 2021. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.