By PR | 09:48 PM March 29, 2021
Indignation Rally batok NPA ang gihimo karung adlawa, Marso 20, 2021 sa lungsod sa Trinidad. Hulagway: 47IB

Ihunong na ang pagpangilad! Kini maoy singgit sa mga kanhi rebelde uban ang mga nagkalain laing oragisasyon sa mga mag uuma sa gipahigayong “Indignation Rally” didto sa lungsod sa Trinidad karong adlawa, Marso 29,2021.

Ang maong kalihukan gipasiugdahan sa atong mga igsoong kanhi rebelde nga atol usab sa pagsaulog sa ika 52 nga anibersaryo sa New Peoples Army karong tuiga.

Nagsugod ang rally ug mga alas nwebe sa buntag pinaagi sa motorcade gikan sa Barangay Soom padung sa Sitio TTIFA, Barangay San Vicente, Trinidad. Nahuman kini ug mga alas dose sa udto.

Indignation Rally batok NPA ang gihimo karung adlawa, Marso 20, 2021 sa lungsod sa Trinidad. Hulagway: 47IB

Ang pagpangita ug hustisya sa mga biktima sa CPP-NPA-NDF, mga pagpangilad ug paghunong sa mga pangrekruta sa mga kabatan-onan ang maoy singgit sa atong mga igsoong boholano nga kung kinsa nahimong membro niining maong walhong organisasyon ug karon mibakik na sa sabakan sa goberno.

Matud pa ni Antonio Muring nga usa sa mga Kanhi Rebelde, sa iyang pagka chairman sa League of Filipino Students-Bohol ug tigpamaba sa Anakbayan sauna, naguba ang iyang kaugmaon apil na ang kaugmaon sa batan-on nga iyang na rekruta.

Indignation Rally batok NPA ang gihimo karung adlawa, Marso 20, 2021 sa lungsod sa Trinidad. Hulagway: 47IB

“Miundang ko sa kalihukan, kay sa akong pagka armado human mahimong aktibista, wa nako kasabot sa sistema nila. Wala nako kasabot sa programa sa mga komunistang NPA,” matud pa ni Antonio Muring, usa ka kanhi rebelde.

“Ug karon isip usa na ka kanhi rebelde, akong padayong pag awhag sa katawhan nga dili na mosuporta sa walhong grupo. Ug pagpangusgan namo ang pagpangampanya nga ihunong na aning mga teroristang NPA ang ilang pagpangilad sa katawhan labi na sa mga kabatan-onan. Daghan ng biktima sa ilang walay klaro nga pagtoo. Singkwentay Dos nga pagpanglingla sa katawhan ug paghatag ug kagubot sa atong nasud,” dugang pa ni Muring.

Ang maong rally isa lang sa mga inisyatibo sa atong mga kanhi rebelde aron pagpakita ug suporta sa atong goberno aron mahunong na ang armadong pakigbisog sa mga komunistang CPP-NPA-NDF.

Indignation Rally batok NPA ang gihimo karung adlawa, Marso 20, 2021 sa lungsod sa Trinidad. Hulagway: 47IB

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.