By Rey Anthony Chiu, PIA-Bohol | 08:48 PM February 19, 2021
Gihipos sa mga mananagat ang ilang mga sakayan sa Barangay Alejawan, Duero isip pagpangandam sa umaabot nga bagyong Auring. Hulagway ni Corpus Delicti

Angay nga mangandan ang tanan sa posible nga paglabay sa bagyo nga si #AuringPH nga may gikusgon sa paghuros nga 85 kilometros matag oras duol sa sentro niini, ug posible nga motamak sa amihanang bahin sa Bohol sayo sa buntag ugma, Feb 20.

Sa weather advisory nga gipagawas sa DOST PAG-ASA ganinang alas 5:00 sa hapon Feb 19, gikataho nga ang bagyo nga si #AuringPH nga may international name nga si Dujuan, gibanabana nga diha na sa 405 km kasubangan-habagatang kasubangan sa (East Southeast) sa Hinatuan, Surigao del Sur (6.9°N, 129.7°E) samtang nagtakin sa iyang labing kusog nga lahutay nga huros sa 85 km/oras duol sa sentro ug kalitkalit nga paghuros nga moabut pa sa 105 km/oras samtang nagpaingon sa rumbo nga pa kasadpan sa 15kilometros matag oras.

Dala niini, ang kinatibuk ang Visayas tabunan sa mapanganuron nga langit ug nagdagandagan nga uwan, panugdog ug pangilat.

Lain usab nga weather system, ang Amihan o nailhan nga NorthEast Monsoon magdala og mga panagsang panganod ibabaw sa Occidental Mindoro ug sa Palawan lakip na ang Kalayaan Islands, diin mshimong madinati ang panagsang uwan.

Kasarangan ngadto sa kusog na hangin gikan sa Amihanang-silangan ngadto sa Amihanan ang magpasulabi sa Visayas, Occidental Mindoro ug Palawan lakip na ang Kalayaan Islands ug ang kadagatan kasarangan ngadto na sa pagkabaluron.

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.