By Rey Anthony Chiu/PIA-Bohol | 09:44 PM January 30, 2020

Bukas na usab ang ikaduha nga hugna sa libre nga Nipongo Class nga tanyag sa Aoike University diha sa Bohol Island State University (BISU), kini segun pa ni Joy Sofia Olaivar, sa College of Business Arts and Sciences.

Kurso nga tanyag isip extension service sa BISU, ang “Nihongo For Me,” libre nga tanyag aron makat-on sa pinulongan nga Hapon alang sa mga buot mahimong caregiver o tig-atiman sa mga edaran ug pasyente nga Hapon.

Ang una nga libre nga klase sa Hinapon, mipagradwar na sa 10 ka estudyante, diin unom niini ang gi-andam na aron motiwas sa ilang pagtuon didto sa Japan sa dili pa mamahimong full time nga caregiver didto, dugang ni Bernarda Villarojo, public information office sa BISU.

Sa ikaduha nga batch, 20 ka estudyante alang sa buot mamahimong caregiver sa Japan ang tudlo-an nga libre aron makat-on sa pinulongan nga hinapon, ang dawaton aron mahi-apil sa batch.

Partikular nga hatagan sa prayoridad mao ang nga babaye nga 18-25 anyos, nga hanas sa pinulongan nga English, kini tungod kay ang instructor sa klase sa BISU naglakip sa usa ka Japanese national nga si Takimi Akimoto.

Labing maayo ang naa na sa college, o gradwado sa college, apan modawat usab sila sa nakahuman sa Senior High School caregiving course, dugang nila.

Hinuon, karon nga batch, mahimo nga mas daghan pa sa 20 ang mo-apply tungod kay ang klase mahuman sa 150 ka oras gikan sa alas 6:00 ngadto sa alas 9:00 sa gabii sa BISU College of Business And Arts diin didto nabuksan ang Aoike Academy.

Kadtong dili maapil sa 20 karon, maoy priority sa sunod nga batch nga buksan na usab sa dili madugay, dugang ni Olaivar.

Ang application forms makuha sa BISU, ug ang deadline niini, karon na nga February 7, 2020 kay sugdan gilayon ang interview sa February 8, sa alas 9:00 sa buntag.

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.

%d bloggers like this: