By PR | 05:52 PM September 16, 2026
TAGBILARAN CITY, Bohol (PIA)—Gitaho sa Philippine Statistics Authority sa Bohol (PSA Bohol) ang mas kusog nga libkas sa presyo sa mga paliton, nga sa mi-aging buwan namatikdan sa 6.7% pa ug karon, anaa na sa 7.9%.
Kini maoy gitaho ni PSA Bohol chief supervising statistician Jessamyne Anne Alcazaren, atul sa binuwan nga inflation rate data dissemination didto sa Galeria Luisa.
Gitumbok sa PSA, kinsa may team nga magsubay sa matag merkado sa Bohol sa matagbuwan aron tan-awon ang dagan sa prsyo, nga ang pagsaka sa inflation rate sa Bohol naguyod sa mas paspas nga lihok sa presyo sa pabalay, tubig, suga, gas ug uban pang igsusugnod ug sa presyo sa pagkaon ug ilimnong di makahubog.
Kining duh aka mga galastohan mipakitag dagkong paglibkas: 2.5% ngadto sa 5.1% alang sa pabalay ug 7.9% ngadto sa 9.1 % sa pagkaon ug ilimnon nga di makahubog.
Daku usab og gikatampo ang paglihok sa presyo sa pagkaon, panakyanan ug pabalay sapagsipa sa inflation sa buwan sa Agosto.
Nunot niini, ang food inflation sa Bohol mingtaas usab gikan sa 8.3% ngadto na sa9.6% sa Agosto.
Namatikdan sa monitoring team sa PSA ang paglihok sa presyo sa bugas nagdto sa 19.7 % gikans a 14.9% ug sa isda ug uban pang mga pagkaons a dagat nga gikans a 9.9%, mingtaas nagdto sa 15.1 %.
Nakit-an usab ang lihok sa presyo sa mais, karne ug ubang parte sa giihaw ngamananap, ug ang asukar.
Labing daku og gikatampo sa inflation sa pagkaon dinhi mao ang humay, ngakasagaran moangkon sa labing dako nga pahat sa kita sa panimalay, isda, ug mgautanon, segun sa PSA. (PIABohol)
