By Rey Anthony Chiu | 02:36 PM March 27, 2024
Kinatibuk-ang 465 ka mga sakop sa kapolisan sa Bohol ang napasaka ang ranggo human sa ma comply ang mga rekisitos ug mapakombinse ang mga labaw nga angayan na gyud usab silang pasakaan sa ranggo.
Atul sa pagtugyan sa mga bag-ong ranggo nga gidumala mismo sa mga opisyal; sa Kampo Dagohoy, si Police Senior Superintendent Lorenzo Batuan midayeg sa mga opisyal nga magarbohon nga nagpakita sa ilang mga bag-ong ranggo sa opisyal nga seremonyas Marso 25, didto sa Kampo Dagohoy.
Ang mga napromote gi-apilan sa 19 ka mga commissioned officers ug 446 niini ang nakakuhag ranggo nga gikan sa Police Corporal ngado na sa Police Executive Master Sergeant, butyag ni Police Lieutenant Colonel Norman Nuez.
Didto sa Programang Strategic Information Broadcasting through the Internet and Other Access (SIBIA) Martes, Si LtCol Nuez mobutyag nga duha ka opisyal ang nahatagan na sa ranggo nga Police Major, usa ang napasaka sa pagka police captain ug 16 ang nakakuha sa ranggo nga Police Lieutenant, niining hughaa.
Sila mao sila Police Majhor Neon Francis B. Alvarez ug Police Major John Khalev D. Sanchez.
Sa pagka Police Captain, si kanhi Lieutenant Jose Leander Velasquez.
Police Lieutenants na usab sila Roger A Abad, Amado Amba G, Rolando B. Binangbang, Jose A Bongator, Crisanto S. Bonghanoy, Fracnis B. Briones, Conrado A Butil, Edilberto Bunaos, Joselito Justol, Joel R. Ompoc Jose Pogoy, Pogoy Jose Suello, Cynthia Salon, Cynthia Jamoner, Edwin Joseph Silagan, Elma Lenteria Sumaoy, ug Danilo L. Tapang.
Sa mga non Commissioned Officers, 49 ang nahimo na nga Police Executive Master Sergeant, 74 ang nahimo na nga Police Chief Master Sergeant, 50 ang nasaka na ngadto sa Police Senior Master Sergeant ug 143 ang nakakuha na sa ranggo nga Police master Sergeant.
Lain ng 78 Ang napasaka ngadto sa Police Staff Sergeant ug 53 ang napasaka ngadto sa pagka Police Corporal gikan sa pagka patrolman. (rahc/PIA-7/Bohol)
