By Marisol Bo-oc, J. Jala | 08:01 PM September 23, 2022

Kapin P1,734, 000 nga balor sa ginasuspetsuhang shabu nga may kabug-aton nga 255 gramos ang nakumpiskar sa gipahihayon nga buy-bust sa Purok 7, Barangay Bool, Tagbilaran City, kagabii, September 22, 2022.

Matud sa Tagbilaran City Police Station, nailhan ang suspek nga si Gemuba Librada Ras Alcala, alias Madamme Gem, 33, usa ka residente sa Barangay Yanangan, sa lungsod sa Loay, Bohol.

Nasikop ang suspek mga alas 8:35 sa gabii.

Nakuha gikan sa mga suspek ang kapin sa 255 gramos sa gituohang shabu nga adunay street value nga Php 1,734,000.00.

Si Alcala mag-atubang sa kasong kalapasan sa Republic Act 9165 o Comprehensive Dangerous Drugs Act of 2002.

Matud sa kapulisan, ang malampusong anti-drug operation maoy pruweba sa padayong paningkamot sa mga otoridad nga masikop ang tanang personalidad nga nagpaluyo sa illegal drug trade.

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.

%d bloggers like this: