By PR | 09:07 AM December 30, 2021

Gi-aprobahan sa Sangguning Panlungsod sa dakbayan sa Tagbilaran ang Supplemental Investment Program (SIP) nga nagkantidad og P20,000,000 Miyerkules sa buntag para sa pag palit og dugang 12 generators para sa mga pumping stations sa dakbayan sa Tagbilaran.

Kini human nga gipangutana ni Bise Mayor Toto Veloso sa niaging session na nganung wala may igong generators ang mga pumping stations sa Tagbilaran City Waterworks, hinungdan nga walay tarong serbisyo sa panubig ang dakbayan.

Matod pa sa head sa Tagbilaran City Waterworks System nga si Engr. Peter Busano, duna kunoy gen set pero ang uban nangaguba na.

Natingala usab si Bise Mayor Veloso nganong wala man ayuha daan ang mga nangagubang generators nga hibaw-an naman unta kung asa moagi ug unsa ang gikusgon and bagyong Odette.

Ug expected naman nga kung adunay bagyo, dako ang posibilidad nga adunay power failure.

Ug gi question usab ni Bise Mayor Toto ang contingency plan sa sa syudad before, during and after sa kalamidad.

Pag-utingkay sa ubang miyembro sa konseho sa City Budget Officer Mayrsol Perocho nga maoy nagpresentar sa nahisgutang SIP, nahibalo-an nga adunay prior year funds nga P11.84 million nga idugang sa P20 million para palit og gen set. Ang P11.84 million ipalit og 9 ka gen sets ug ang P20 million gamiton para palit sa 12 generator set.

Kung naa pa daan ang mga generators, dili na unta mag purwesyo sa tubig ang katawhan sa dakbayan sa Tagbilaran. Ug patas unta ang distribution sa tubig sa tanang barangay sa syudad.

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.