By Rey Anthony Chiu | 01:12 AM September 08, 2021

Dungan sa pagpapas na sa pugos nga lima ka adlaw nga kawarantina sa pag-abut sa usa ka byahedor, ug sa pagwala na sa negatibo nga resulta sa Coronavirus disease (Covid-19) human sa 5 ka adlaw nga kwarantina, gawasnon na usab ang mga nagpadayon sa kwarantina, basta wala lang siyay gipakita nga simtomas sa sakit.

Kini maoy unod sa Executive Order No. 44 series if 2021 nga nagpausab sa mga nahaunang executive orders nga naglagda sa ektrikto nga mga palisiya alang sa usa ka mosulod nganhi sa Bohol.

Gipausab man pinaagi sa Exec Order No 44, series of 2021, ang gipangayo nga pugos nga lima ka adlaw nga kwarantina ug repeat RT-PCR human sa ika lima nga adlaw sa kwarantina, gipabilin pa usab niini ang laing duha ka importante nga rekisitos para makasulod sa Bohol.

Gilibkas na ang lisud makuha nga mga rekisitos sa pagbyahe sa Bohol sama sa pugos nga kwarantina sanglit, matud pa sa mga tourism stakeholders, wala silay kaso nga namatikdan sa mga misulod na sa Bohol.

Gani, matud sa mga quarantine hotel operators, bisan ang mga bag-ong miabut, magdumili paggawas-gawas sa tourism bubble maong magpabilin kasagaran sa ilang mga lawak ug dili maggawas-gawas.

Hinuon, pabilin pa gihapon nga pangayoon sa mga tinugyanan sa Bohol ang negatibo nga resulta sa Covid pinaagi sa RT PCR 72 ka oras sa dili pa mobyahe paingon sa Bohol.

Gawas pa, gikinahanglan usab sa byahedor nga marehistro sa travel management app nga s-pass.ph aron makapag coordinate sa LGU nga sudlan kabahin sa monitoring aron usab makakuha og travel approval.

Ang desisyon sa pagpatangtang na sa pipila ka travel restrictions, napaduso sa mga tourism stakeholders, sakop sa Bohol Inter Agency Task Force. mga medical experts ug mga mayor, kinsa motuo nga las luwas ang mga byahedor nga makasulod kon itandi sa mga ania na sa Bohol nga naglatagaw ug walay kasayuran nga sila na diay ang nagpa-positive sa mas daghang tawo. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.