By Rey Anthony Chiu/PIA-Bohol | 01:05 PM August 23, 2021

Gimandu ni Gobernador Arthur Yap ngadto sa buhatan sa Provincial Social Welfare and Development sa pagreimburso og usa ka libo gikan sa pundo niini sa Assistance to Individuals in Crisis Situations (AICS) ngadto sa mga namauli nga Bol-anon nga nakabayad og dako sa pagkuha sa ilang screening test sa coronavirus disease (Covid-19).

Sa usa ka suwat pinetsahan Agosto 9, 2021 ngadto kang Carmelita Tecson, hepe sa Bohol Provincial Social Welfare and Development Office (PSWDO), gipadayag sa gobernador ang mandu sa Republic Act 11494 o ang Bayanihan to Recover as One nga pagaanon ang kalisud nga nasinati sa katawhan pinaagi sa pagtanyag og mga hinabang ug sudsidiya.

Gipahiunumdom usab sa gobernador nga may pundo sa DSWD nga gipasulod sap undo sa local nga OPSWD aron mas mapasayun ang pagpanghatag sa AICS sa kagamhanan.

Gawas sa mga natumbok sa balaod nga gipundohan sa DSWD alang sa AICS, ang mga apektado sa Covid-19 nga mga byahedor nga pugos nga gipangayoan og timaan sa pagkaluwas sa Covid pinaagi sa RT PCR, kini nga mga tawhana maisip na nga AICS.

Nunot niini, gimandu sa gobernador ngadto kang Tecson sa paghatag og cash assistance agi og pag reimburse sa mga nagasto sa us aka Bol-anon nga mipauli dinhi nga kinahanglang makakuha og RT PCR aron makauli.

Hinuon, segun sa mandu sa gobernador, kadlo lamang makapakita sa official receipt sa RT-PCR test, tiket sa pagbyahe, bisan unsa nga identification card, ug proof of residence sama sa voter’s ID ang mareimbursohan.

Dugang pa usab, ka usa sa usa lamang ka tuig kini ma-avail sa mga manguli.

Gipahinumduman usab hinuon ang PSWD sa pagpagawas sap undo nga kini kinahanglang magsubay sa lagda sa Commission on Audit Circular N0 94-013, ang lagda sa auditing sa kagamhanan. (rahc/PIA-7/Bohol)

By Bohol Island News

Your reliable source of news and content in the island and the rest of Central Visayas and Mindanao.

Leave a Reply

This site uses Akismet to reduce spam. Learn how your comment data is processed.